3rd Space (已結業)

朋友嚟緊去海外讀書，揀咗嚟哩度食farewell。因為種種原因，食飯日子一改再改😂但餐廳最近宣佈要結業😳所以無論如何，都要係關店前食到！餐廳係上環內街，坐地鐵的話，同出口嘅路程唔係太遠，但天氣實在太熱🥵🥵行到去已經溶咗🥵🥵餐廳細細，室內大約坐到10個人左右，外面有一幅大大嘅牆畫，室外仲有兩張細枱，不過咁嘅天氣🥵，當然係坐室內。食飯當日，門口張枱坐咗隻好可愛嘅大狗😍食物份量唔大，我同朋友一人叫咗一道茶漬飯，再加咗一個pancake share。塩燒西冷薄切牛排慢煮蛋穀米茶漬飯 ($110)、24小時浸煮鮮豚肉角煮慢煮蛋穀米茶漬飯 ($120)。兩款茶漬飯都配有温泉蛋，仲有張卡教進食方法😂將鰹魚湯倒落飯之前，先試飲咗一啖😆好濃味，好香😋牛肉同豚肉角都煮得好淋好入味😍😋試咗原味，就加入鰹魚湯一齊食，又有另一番風味。食完主菜，職員會埋黎清理枱面，再放上新餐碟。餐廳似乎對於唔同種類食物嘅進食方法，好有堅持😅職員放低餐具嘅時候提醒我哋，一人用細碟食pancake，另一人就用原本嘅大碟食😅Pancake 揀咗黑朱古力 ($98)，每份都配牛奶雪糕同海鹽忌廉，pancake 中間仲有麻糬😍進食指示卡