順酸辣粉

營業中

休息中

前晚嚮順買了兩盒菜飯外賣自取，一盒雞扒菜飯及炸雞亦菜飯，一直都是fans, 但今次經驗不得不吐不快，話說比較心急，於是企左去近廚房位置等我的外賣，咁好自然八卦望下入去點運作，我見到阿姐裝菜飯落一個大湯碗，另外再加白飯（似冷飯），然後放入微波爐叮，我感覺好奇怪，菜飯為什麼要加白飯，一直係咁做定因爲晚市唔夠菜飯賣呢？叮完，見阿姐撈撈撈，然後裝在外賣盒內，噢！真係我的...回到家講給家人聽都覺得不應該，而雞扒又比錯了豬扒...家人話我點解唔即時問個究竟，但始終係餐廳，我好少在飲食的地方質問/投訴的，講番媽媽評論菜飯，佢話好乾，平時一定唔係咁，菜亦不夠新鮮，梅梅地咁唔同以往般翠綠，失望極了。希望老闆睇到呢篇，叫員工改善一下吧，唔好偷功減料了，一個飯都唔係平的。