影片
更多
2023-06-12
134 瀏覽
成日都以為食壽喜燒要去到中環灣仔啲名店仲要早幾個月book枱，但原來觀塘都有一間正宗關西風A5和牛壽喜燒餐廳只有四張枱，枱與枱之間有屏風相隔，私隱度非常好亦坐得好寬敞。和牛套餐只有三款選擇，分別係赤身、 霜降、同埋兩樣都有嘅黃牛盛宴。今次我同朋友就分別叫咗赤身同霜降。首先上菜係三點前菜：冰菜沙律，和牛餃子，茶碗蒸。冰菜非常新鮮爽脆，和牛餃子充滿肉汁有驚喜，茶碗蒸啱啱好非常滑。之後就到壽喜燒嘅主角和牛，油脂分佈極靚，唔會比名店輸蝕。全程有員工幫手煮，確保唔會過熟。和牛部位有熟悉嘅西冷、牛肩胛、牛板腱等。喰楽主打關西風，和牛會先煎香滲出濃濃嘅牛肉味。啱啱煎好嘅和牛，配埋鹹甜剛好嘅壽喜燒汁，再加上日本蛋汁，入口即溶亦非常重牛味，簡直就係天堂嘅感覺。套餐配上野菜拼盤，都係常見嘅菜、豆腐、冬菇、洋蔥。簡單嘅材料配上壽喜燒嘅汁再吸收埋牛肉嘅油脂，美味非常，亦係肉與肉之間好好嘅間場。接近套餐嘅尾聲，可以選擇和牛炒飯或者蕎麥麵。因為整個套餐都好飽，我哋選擇咗蕎麥麵。蕎麥麵汁有啲過鹹，食完整餐壽喜燒會感覺有些太過濃味，如果店家可以稍作調整會更好。最後甜品有抹茶紅豆雪糕作結尾，但食到最後真的太飽😂成餐其實
餐廳只有四張枱，枱與枱之間有屏風相隔，私隱度非常好亦坐得好寬敞。和牛套餐只有三款選擇，分別係赤身、 霜降、同埋兩樣都有嘅黃牛盛宴。今次我同朋友就分別叫咗赤身同霜降。
首先上菜係三點前菜：冰菜沙律，和牛餃子，茶碗蒸。冰菜非常新鮮爽脆，和牛餃子充滿肉汁有驚喜，茶碗蒸啱啱好非常滑。
之後就到壽喜燒嘅主角和牛，油脂分佈極靚，唔會比名店輸蝕。全程有員工幫手煮，確保唔會過熟。和牛部位有熟悉嘅西冷、牛肩胛、牛板腱等。喰楽主打關西風，和牛會先煎香滲出濃濃嘅牛肉味。啱啱煎好嘅和牛，配埋鹹甜剛好嘅壽喜燒汁，再加上日本蛋汁，入口即溶亦非常重牛味，簡直就係天堂嘅感覺。
套餐配上野菜拼盤，都係常見嘅菜、豆腐、冬菇、洋蔥。簡單嘅材料配上壽喜燒嘅汁再吸收埋牛肉嘅油脂，美味非常，亦係肉與肉之間好好嘅間場。
接近套餐嘅尾聲，可以選擇和牛炒飯或者蕎麥麵。因為整個套餐都好飽，我哋選擇咗蕎麥麵。蕎麥麵汁有啲過鹹，食完整餐壽喜燒會感覺有些太過濃味，如果店家可以稍作調整會更好。
最後甜品有抹茶紅豆雪糕作結尾，但食到最後真的太飽😂
成餐其實無論食物質素定係用餐體驗都唔輸蝕名店，性價比極高，坐得非常舒服，不過記住要book枱！
張貼
