Umi

營業中

休息中

呢間位於銅鑼灣嘅cafe 想試好耐啦，主要俾佢嘅海景同食物吸引。今次終於有機會幫襯。不過坐唔到窗邊位，有啲可惜。餐廳座位唔多，佈置簡約舒適，如果有個雜物籃俾人放袋就更好。🦀甲羅燒配龍蝦汁海鮮意粉$158 (+$48 自選飲品＋精選甜品) 🈵望落唔係好大份，不過其實份量都OK。甲羅燒有好多蟹膏仲有蟹肉。配埋龍蝦汁，鮮味十足。🐓慢煮雞肉芝麻醬沙律 $88 (+$48 自選飲品＋精選甜品)份量好大碟，仲有好多紫菜，啱晒我😛🐔大阪燒脆炸雞翼 $68 🈵呢碟雞翼都係好好食，因為自己好鍾意食大阪燒，雞翼炸得好脆。木魚碎同紫菜都鋪滿晒雞翼面。🦋蝶豆花香梨梳打比較少見嘅香梨梳打，幾特別。🍫繽紛樂榛子朱古力飲品比較細杯，佢繽紛樂樽至朱古力朱古力份量唔係太夠，唔及得出邊Cafe嘅好飲。🍴Tiramisu份量幾大，不過唔太夠酒味。比較乾身。總括嚟講食物質素都唔錯，飲品就比較失色。不過價錢都幾合理。可以encore。