Coffee on the Sand (已搬遷) 新店位置

今次係我第2次試呢到嘅土耳其咖啡，係旺角嘅街頭，你會發現有個小舖位播放住土耳其音樂，會有位好健談嘅老闆，為你烹調土耳其咖啡，充滿異國風情!土耳其咖啡比較濃厚，味道偏酸，我飲嘅係$45嘅熱milk coffee。一般黎講，都只有熱飲，但為迎合香港人口味，有凍熱飲可以簡。故名思義，Coffee on the Sand，煮咖啡嘅器皿以沙傳熱煲滾咖啡，淨係睇佢煮嘅過程已經覺得好新鮮! 畢竟平日好難得係街頭見見到有人煮土耳其咖啡，值得一試!!另外，偏愛古典物嘅我，對佢個水壺情有獨鍾!土耳其老闆亦好nice好好傾，第一次去時，老闆仲請我食左粒土耳其糖。相比去咖啡店享受一成不變嘅招待，有意外驚喜反而更令我印象深刻! 今次再傾起，佢都仲記得!係呢個繁忙嘅旺角鬧市中，如果大家行經呢度，都不妨試下呢種異國風情!