Babbo Trattoria (已結業)

我哋星期日在喺銅鑼灣搵位食飯，最後揀咗喺羅素街意大利菜西餐廳方便喺銅鑼灣一個馬路就可以過返海。我哋先嗌咗兩杯嘢飲一人一杯，一個荔枝梳打，甜甜地有啲梳打味炎炎夏日好refreshing。另一個就嗌咗新鮮奇異果果汁，完全飲得出佢係即榨奇異果味超濃，重要有啲果肉添。之後嗌咗一個忌廉汁青口，青口鮮甜，佢會跟三塊焗法國麵包啲脆加埋味濃既cream sauce係好match所以好快就清咗啦!之後order咗個墨汁意粉加大蝦咁呢一個主菜呢就唔係周圍都食到。佢嗰鹹味適中，嗰個面好煙韌好presentable。跟意粉嘅嗰兩隻大蝦係絕對新鮮夠大隻同彈牙爽口鮮甜嘅。間餐廳因為係喺樓上，所以其實好安靜。同朋友食飯好適合，個環境好清靜優雅，Overall都推介。