龍亭

收工同朋友去佐敦夜繽紛，呢間餐廳係朋友介紹，個門口係轉角位，一唔小心就會miss咗😂今餐叫咗個5道菜試一試。最先上台係個前菜，d菜就咗食會有d dry，加埋煙三文魚食就啱啱好，而且三文好香煙燻味， 一齊食好夾。跟住就係海鮮，一共有4款，我就揀左鮑魚同帶子。鮑魚食落好彈牙，唔會太老，重有d蒜香味。帶子好香，加埋魚子醬做調味咸咸地，連埋下面舊瓜食冇咁油膩。左上角就有個蝶豆花泡泡，店員介紹話可以帶出d海鮮鮮味，但食落又好似冇乜太大分別。😂肉方面有雞同豬揀，聽到7道菜重有牛同羊，下次有機會再試試。雞肉好嫩，雞樣好脆。個醬一入口個下辣辣哋，但d肉冇咁油。上面有幾滴秘製牛油， 食落勁香牛味。鐵板燒點可以冇炒飯呢，個炒飯好香而且粒粒分明，調味又啱啱好。甜品係紫薯雪糕，一入口勁香紫薯味，又唔會太甜，隔離重有幾粒紅豆珠，咬爆佢會食到紅豆蓉，幾過引。最後，同朋友一人叫咗枝sake同埋白飯魚乾同雞泡魚乾，一邊飲酒一邊吹水。白飯魚乾出面餐廳比較少有，好香口好脆。雞泡魚乾就甜甜地，加埋沙律醬一流。