林仔茶檔 (已結業)

旺角油麻地多嘢食就係人都知，同Lisboy影完相就嚟到呢間好多人又比較出名嘅茶餐廳食個lunch😋平時經過已經好想食㗎啦！🍽️ 米芝蓮二弄蝦球點解話呢間茶餐廳出名呢？因為佢哋出品嘅菜式竟然有米芝蓮推介，一見到呢三個字就即刻order咗嚟試😋真係好吸引，二弄嘅意思係有兩款蝦球可以試，一個係沙拉炸蝦球另一個係黃金蝦球，平時食開沙拉骨都鍾意到不得了今次酸酸甜甜嘅蝦球夠晒滋味，最最最正係佢嘅黃金蝦球係用咗鹹蛋黃醬煎炸而成😍真係抵佢拎獎！跟住仲叫咗個龍鳳檸樂飲🥤兩款檸檬🍋夠晒特色！🍽️ 黃金鮮魷Lisba話好耐冇試過鮮魷，好掛住大排檔嘅風味，所以order咗呢個黃金先有，同黃金蝦球一樣都係用咗特製嘅炸粉再配埋鹹蛋黃黃醬煎炸，脆卜卜香噴噴仲十分惹味添☺️🍽️ 上湯菜膽雲吞雞鍋原來Lunch有啲好平嘅set，我哋要叫啲有白飯分開嘅菜式比Lisboy品嚐😍見到60幾蚊就有一個雲吞雞鍋餐真係好抵，最正係佢啲湯底有陣陣嘅菜同清雞湯味😋夠晒清甜，個雲吞仲有大大粒蝦入邊，Lisboy食到舔舔脷☺️