REFLECT Restaurant & Bar

旺角rooftop天台餐廳，由十年經驗墨西哥大廚主理，户外有寬敞梳化位，可以眺望旺角鬧市景色，户內如餐廳名字reflect ，大玩鏡像效果。秘製燒墨魚🦑以一串呈上嘅墨魚，賣相吸引，灑上孜然粉好有風味，鮮味十足，口感非常爽彈，一啲都唔韌，可以擠上檸檬汁享用，伴碟仲有芝麻醬沙律菜！牛肉芝士餡餅墨西哥餡餅（Quesadilla），由兩塊墨西哥餅中間夾入牛肉，芝士等配料，頂層配上牛油果醬，番茄粒同洋蔥粒，酸酸甜甜，味道層次豐富！咬落去餡料充足，芝士有拉絲效果！羊肉西冷配芝士薄脆（招牌）羊扒表面佈滿芝士薄脆，生熟程度控制得岩岩好，肉眼可見的粉嫩，肉質柔軟。可蘸上松露汁，蘑菇味道濃郁，而且好夾！配菜有紅蘿蔔，椰菜花同馬鈴薯蓉。