喇沙專門店 (已結業)

好耐冇嚟西九食飯， 憑感覺望下望下咁多間鋪頭，畀呢一間鋪頭嘅香味吸引咗。本身第一次試這間， 但係見店主好有自信，餐牌淨係得喇沙麵同埋冬陰功麵，連餸都係得五款。原本最應該試食牛脷口味， 其他鋪頭未見過， 但我自己喜歡雞。 結果喜出望外，個湯底係聞得到咁好味嘅， 基本上係有椰香然後有甲殼類嗰種蝦仔香味嗰種海鮮湯底。雞扒應該係雪藏，但係有肉味肉，彈牙嘅同埋厚身， 夠飽。喜歡湯嘅你就要來一客！