霸王山莊

營業中

休息中

一般的平日, 為什麼要等位呀, 好多人呀, 坐滿晒, 重要等兩張檯, 真奇妙, 上了二樓, 閣樓, 樓底低, 又多人, 檯與檯又密, 坐得不太舒適, 幸好檯面寬大, 尚可啦, 先叫了一客小籠包(4隻), 皮比想像中厚少少, 咬落實了些, 有湯汁, 不太夠熱, 客人太多了, 侍應做唔切, 慢了出食品, 當然凍咗啦, 跟隨的是一客煎鍋貼, 底部夠脆燶, 但皮又是略梗而且無湯汁, 兩碗麵, 一是青菜嫩雞麵, 碎青菜多, 雞肉十分少, 而且是一粒粒的, 十分細, 數得出有多少, 味道唔錯, 麵質也算彈牙, 二是擔擔麵, 碎肉鋪面, 又是十分少, 味道真是不差呀, 少少辣, 味濃, 另一小菜, 宮保雞丁, 大量辣椒, 但一點也不辣, 而且太甜, 腰果特多, 講明是雞丁, 切成一粒粒狀, 肉質可以, 當然無雞味, 因為宮保呀, 反而每檯必有的小食做得不錯, 東菇, 秀珍菇, 毛豆, 切粒蘿蔔, 夠大碗, 送酒一流, 另外, 叫了青島, 遲遲唔到, 差唔多食完先到, 唉!