Epoch Coffee Bar and Desserterie (已結業)

今朝同阿媽shopping完，行到勁累，於是阿媽提議不如去afternoon tea。諗左好耐，最終諗不如去屋企附近間Epoch，反正成日都只係果度食晚餐，聽阿媽話afternoon tea都ok!!所以決定一試。去到餐廳人唔係好多，可能係平日,而且又係番工時間！所以坐得好舒服！環境寧靜！阿媽一坐低諗都唔洗諗就決定要鎮店之寶— Varlhona 7-layer Cake!!而我就決定飲 latte ，買既時候，店員同我講可以自制 latte，仲可以拉花！！我見到有得自己整 latte，好像好得意！！所以我決定要去變身做咖啡師，哈哈！！一路整咖啡，一路其實有人教點整！所以唔識整都唔洗驚, 人人都可以變成做咖啡師。杯咖啡仲可以拉花，當然有人會教你！我就揀左拉葉形！由於我能力有限，我係拉唔出葉既圖案！不過咖啡師好好人，佢幫我盡量修飾番我杯咖啡，仲同我講都幾似一隻抽象派蝴蝶！！ 因此最後我杯抽象派蝴蝶咖啡就誕生了！！ 一路整時咖啡師仲同我講整咖啡小貼士！！佢真係好有心！！杯咖啡味道真係有番咁上下,都幾滑，拍得住專業！（自己做當然係正野！哈哈！）整完杯咖啡真係覺得幾好玩，下次要帶下男友仔黎玩下！