Lockeroom Dining (朗晴坊) (已結業)

相信香港嘅阿仙奴球迷，相信都有聽講過旺角朗晴坊嘅Lockeroom Dining。喺2019年開業至今人氣旺盛，依度除咗係一間充滿阿仙奴球員簽名球衣、旗幟、畫作、球員公仔、閃卡牆嘅地方，亦都係一間超級有人氣嘅西餐廳。點完餐，先嚟沙律、蒜香牛油法包同餐湯。沙律用一個密封玻璃器皿裝住，非常之特別。而且會附上一個較結身嘅黑醋汁。是日餐湯喺南瓜湯。湯完全係用南瓜打蓉，超真材實料。香燒美國Creekstone牛肉眼拼法國鵝肝之前都有聽講過Creekstone生產的極品純種安格斯牛肉係同類中的頂級名牌，今日一試果然好味，油花分佈多，入口油香唔膩之外，牛肉味仲好香濃添。牛肉眼仲要好腍，一啲都唔韌。再拼埋法國鵝肝、有種錦上添花嘅感覺。配菜亦非常之正，有一大份超甜紫薯蓉。炭烤美國1855牛肋排蜜糖燒肉汁牛肋排就無得揀幾多成熟，不過出嚟嘅成品好好味，肉質鮮嫩多汁。蜜糖燒肉汁非常之襯個牛肋排。依份嘅配菜就跟上大份南瓜蓉。朱古力三重奏心太軟甜品點咗個朱古力三重奏心太軟。廚司喺傳統嘅心太軟上面再加多一塊朱古力片，另其朱古力嘅層次更加豐富。餐飲嘅咖啡好好飲，雖然見到其他顧客點嘅特飲都好似好吸引，但我覺得點都要試吓