阿佳拌麵 (已結業)

呢排經常食外賣自取，揀咗間台灣野，嘢食幾抵！大大碗夠晒飽肚都係$35左右，仲可以加錢要啲餸或者另外叫啲小食又得，選擇多多。烏來烤豬肉腸拌麵沙茶醬$35呢款面嘅份量童叟無欺，我咁講男仔都夠飽。啲面嘅份量多到實一實，夠晒飽肚。而且仲要好夠味，我就鍾意食台灣嘅豬肉腸，鹹香得來個外皮有少少脆口，仲有啲甜味。蚵仔面線$35大腸面線$35魷魚面線$35 + 蚵仔$10我同朋友都好鍾意食麵線，濕濕地，最正。有少少似碗仔翅咁，裏面有有芫荽，蒜蓉，花生多多，夠晒味。更加可以按需要選擇辣味，更加惹味。蚵仔粒粒都脹卜卜，大腸入味得來夠林；魷魚爽口唔難咬，大家一齊share就可以食到幾款餸囉！