阿來客棧雞煲火鍋 (已結業)

【阿來客棧·雞煲火鍋專門店】就咁睇餐廳名估唔到係食咩，原來係雞煲火鍋專門店！佢地嘅雞煲選擇都幾多，有重慶辣雞，海底椰子雞，胡椒豬肚雞同花膠瑤柱雞🐥我地今次就嗌左重慶辣雞煲試試🤤✨馳名重慶辣雞煲一拎到上枱已經聞到好香，食落果然好惹味。比較特名嘅係，佢地落左好多蒜片，所以食落唔係重花椒八角個種惹味，鍾意食蒜嘅朋友你懂的🤤有5種辣度可以揀，我唔係幾食得辣，所以揀左微辣嚟試試，啱啱好！✨特級手切肥牛食完雞煲加湯打邊爐😆依款手切肥牛係必食推介嚟，基本上每一枱都有嗌。至於質素，食到牛肉味，油花又靚，睇下相就知🤤✨鬼馬墨魚脆依款又係必食推介，基本上每枱都有嗌一碟。面頭係墨魚滑，個底係炸到脆卜卜嘅油炸鬼。油炸鬼乾身唔會油淋淋，又唔會硬倔倔，食落好脆，加埋墨魚滑口感好得意。✨即炸魚皮魚皮拎上枱個陣feel到有陣熱氣冒出嚟，加左炸蒜同少少調味，就咁食已經好正，送酒一流😆其他火鍋料水準正常，不過可惜同朋友都食飽左，試唔到佢地嘅手打丸類、雲吞同炸午餐肉🥲見到其他人叫，賣相望落幾吸引🤤餐廳環境光潔，地板枱面乾爽。枱與枱之間仲裝左布簾，有需要可以拉落嚟同隔離枱隔開。我個人幾鍾意依個設計，防疫之餘私穩度又高左，唔洗