影片
更多
2017-05-26
336 瀏覽
一直都聽聞阿元來了嘅大名，人氣非常高，基於位置對我對黎講，唔係太方便，就一直都冇試過。上月尾難得過海，本來想食小包，撞正人地落場時間；漫無目的之際，原本諗晚住改去夏雪食甜品，又突然記起阿元，一於試左阿元先！雖然係週六，但當時5點幾鐘，我地並唔需要等位就能入座，都算幾好運。坐低正正就能望到關於用餐時間嘅溫馨提示，繁忙時間互相體諒排隊嘅客人，用餐時間為30分鐘，唔知道此例有冇真正執行，雖然明白小店嘅難處，亦都知道小店生意好好，但個人認為半小時食一餐飯，有點苛刻。離開嘅時候6點零鐘已經開始現人龍。（不過事隔一個月，九龍區都已經有分店可以分散一下人流）阿元來了位置唔多，小店一間，都預左唔會坐得太舒適。裝潢明顯花過心思，木枱木櫈、牆上貼帶玩味嘅海報招紙、地道美食燈箱、必備嘅國語店員等，作為食客，都確實感覺到有幾分台灣風味。餐牌選擇不少，有飯麵、小食、湯、菜、甜品、台式飲品等，喺香港食台灣菜黎講已經算大眾化價位，入座最低消費$35/位。雖然只有兩個人，但一場黎到，加上唔知食完仲有冇心情、機會、思想準備會回訪，所以乜都想試啲，奈何肚皮有限。落單之後，好快開始上菜，客人嘅用餐時間自然能夠縮短。魯肉飯
上月尾難得過海，本來想食小包，撞正人地落場時間；漫無目的之際，原本諗晚住改去夏雪食甜品，又突然記起阿元，一於試左阿元先！
雖然係週六，但當時5點幾鐘，我地並唔需要等位就能入座，都算幾好運。坐低正正就能望到關於用餐時間嘅溫馨提示，繁忙時間互相體諒排隊嘅客人，用餐時間為30分鐘，唔知道此例有冇真正執行，雖然明白小店嘅難處，亦都知道小店生意好好，但個人認為半小時食一餐飯，有點苛刻。
離開嘅時候6點零鐘已經開始現人龍。（不過事隔一個月，九龍區都已經有分店可以分散一下人流）
阿元來了位置唔多，小店一間，都預左唔會坐得太舒適。
裝潢明顯花過心思，木枱木櫈、牆上貼帶玩味嘅海報招紙、地道美食燈箱、必備嘅國語店員等，作為食客，都確實感覺到有幾分台灣風味。
餐牌選擇不少，有飯麵、小食、湯、菜、甜品、台式飲品等，喺香港食台灣菜黎講已經算大眾化價位，入座最低消費$35/位。
雖然只有兩個人，但一場黎到，加上唔知食完仲有冇心情、機會、思想準備會回訪，所以乜都想試啲，奈何肚皮有限。
落單之後，好快開始上菜，客人嘅用餐時間自然能夠縮短。
魯肉飯 $29
魯肉飯份量唔多，小小一碗，唔會太飽滯。如果淨係點一碗飯食，或許足夠喺30分鐘內完事。
重點係滷肉，切開鋪滿碗仔，呈半肥瘦（肥肉佔多）入口軟腍，食滷肉都係要有適量肥肉先好食
滷汁入味帶咸香，但唔會好油膩。個人認為醬汁稍少，飯食到尾會有少許乾。
以呢個價錢，難怪迷倒咁多人，比較可惜係第一碗上嘅魯肉飯，珍珠米未煮好未完全熟透…同店員提出後，佢地試過都馬上換過另一碗俾我地。
第一次黎就遇到呢個情況，可能係我地唔好彩，但印象分會扣掉一點
魯肉飯
$29
36 瀏覽
0 讚好
0 留言
淡水魚丸湯 $20
飲魚丸湯都令我諗起第一次去九份旅遊，湯底飲落冇乜特別，同平時食魚蛋河嗰碗湯差不多。
魚丸口感都幾彈牙，粉感唔重，餡料少量，不過不失。
淡水魚丸湯
$20
20 瀏覽
0 讚好
0 留言
淡水魚丸湯
$20
20 瀏覽
0 讚好
0 留言
鹽酥雞 $35
因為兩個share一碗飯，都仲有空間可以點兩份小食，揀左鹽酥雞，雞件一早整好唔夠熱，炸粉唔厚，但食落唔夠脆。
肉質未至於乾柴，但都唔係特別出色，調味有點不足，好多間鹽酥雞都比呢個出色。
鹽酥雞
$35
15 瀏覽
0 讚好
0 留言
台灣香腸 $25
男朋友係台灣腸控，去親台灣都會狂食，可能見到「台灣腸」呢幾隻字，我地腦海中都係聯想起烤肉腸…
腸仔切成薄薄一片，口感乾硬，食落冇味，好似白灼腸仔，只可以話係同個人期望有落差
台灣香腸
$25
17 瀏覽
0 讚好
0 留言
九份芋圓 $30
有芋圓、珍珠、紅豆、南北杏等，材料都幾豐富，可惜味道一般
芋圓口感較硬實，煙韌但不Q彈，各自味道基於糖膠感太重，只有甜味。珍珠反而較為彈牙，但整體係太甜，只食到黑糖水味，食多兩啖已膩。
九份芋圓
$30
24 瀏覽
0 讚好
0 留言
九份芋圓
$30
48 瀏覽
1 讚好
0 留言
台式飲品選擇頗多，一律可以自選甜度、冰量。
大部分單點$20-$28，惠顧飯麵或小食，只需10蚊可以享用最普通嘅紅茶、綠茶，8選1。
茉莉綠茶 $10（優惠價）
阿薩姆紅茶 $10（優惠價）
飲品我地點左半糖，非常普通，純解喝用途。
茉莉綠茶、阿薩姆紅茶
26 瀏覽
0 讚好
0 留言
今次到訪阿元都有少許失望，可能以前讀過太多好評，個人有點期望太高。幸好今次我地無需等候就能夠入座，亦都唔係山長水遠專登去試，不至於花太多時間，以魯肉飯嘅質素還是可以一試，其他我地點嘅幾款小食係一般水平。
可能已經算係喺香港比較好食嘅台灣野，環境又比較地道，所以迷倒咁多食客，我地就試一次夠了。
張貼
