七喜粥麵小廚

營業中

休息中

在附近經過見還有時間特意進去吃碗麵，叫了薑蔥牛肉撈麵，吃了幾口確定鹼水麵是苦的，同阿姐反映啦，阿姐答我拎返入去再煮煮佢，我嘅反應係：吓，我食過個喎，咁由佢啦，我淨係想話俾你聽啲麵係苦嘅啫。跟住阿姐叫我落醋冚咗浸苦味。我諗住食完啲牛肉就走人，轉頭阿姐走埋嚟同我講話拎返入去廚師會洗一洗佢再煮，我話唔使啦，我鍾意食麵先至叫撈麵但係呢碟真係苦嘅。呀姐示意隔籬枱都食緊雲吞麵，人哋都冇出聲即係冇問題，佢拎左碗湯俾我浸浸佢。雖然最後都幫唔到啲咩忙，我都好感謝個阿姐三次嘗試幫我。 可能我望住碟撈麵個樣太無奈。公平啲，我另外叫咗三粒鯪魚球係好食嘅。完。