影片
更多
2006-04-16
19 瀏覽
是日係十五前夕，跟朋友到尖沙咀念佛。我係第一次去，原來個度凈係念佛號：阿彌陀佛！一小時之後完畢，就去食午飯，佢地每次都係嚟呢度食，而且都係食自助餐。我地一行六人，被安排到樓上坐，因為樓下早己滿座，而食物都係放係樓下，因為唔想走上走落，於是叫小菜食。佢有一個特別餐牌，圖文並茂，於是就睇相叫餸，點菜後部長問我地要唔要齋鹵味，於是要了一碟，本來食慣齋嘅人都唔會叫呢Ｄ食，例如芋頭魚呀，粟米粥呀，羅漢齋之類。不過其他朋友鍾意食咁就冇所謂啦！不過亦好彩叫咗，因為好耐先上菜，可以暫時頂住肚先。菜式：*石頭粥–用韓式石頭鍋上，有靈芝菇，腐竹同菜梗，幾特別，唔覺有味精。*好有趣–炸米粉塾底，上面係素肉之類，有南乳味，炸得脆脆，好似食緊雞仔餅咁，味道幾特別。*沙律雞串–用一般串燒木棒串起來煎，上面加沙律醬，都幾神似。*松子黄魚–紫菜腐皮包住Ｄ不知名物體來炸，用糖醋汁加幾粒松子仁，咸甜酸味道適中，因為用上紫菜，腥腥地，又幾似魚味噃，可惜松子少得可憐，因為我都幾鍾意食。*九孔鮑魚–用茄瓜塾底，上面加一小片鮑魚形狀的物體，另上一青椒装着醬汁用來醮吃，整個菜靠哂呢個汁調味。呢一餐俾我一個驚喜，因為每個菜都好特別，
我係第一次去，原來個度凈係念佛號：阿彌陀佛！
一小時之後完畢，就去食午飯，佢地每次都係嚟呢度食，而且都係食自助餐。我地一行六人，被安排到樓上坐，因為樓下早己滿座，而食物都係放係樓下，因為唔想走上走落，於是叫小菜食。佢有一個特別餐牌，圖文並茂，於是就睇相叫餸，點菜後部長問我地要唔要齋鹵味，於是要了一碟，本來食慣齋嘅人都唔會叫呢Ｄ食，例如芋頭魚呀，粟米粥呀，羅漢齋之類。不過其他朋友鍾意食咁就冇所謂啦！不過亦好彩叫咗，因為好耐先上菜，可以暫時頂住肚先。
菜式：
*石頭粥–用韓式石頭鍋上，有靈芝菇，腐竹同菜梗，幾特別，唔覺有味精。
*好有趣–炸米粉塾底，上面係素肉之類，有南乳味，炸得脆脆，好似食緊雞仔餅咁，味道幾特別。
*沙律雞串–用一般串燒木棒串起來煎，上面加沙律醬，都幾神似。
*松子黄魚–紫菜腐皮包住Ｄ不知名物體來炸，用糖醋汁加幾粒松子仁，咸甜酸味道適中，因為用上紫菜，腥腥地，又幾似魚味噃，可惜松子少得可憐，因為我都幾鍾意食。
*九孔鮑魚–用茄瓜塾底，上面加一小片鮑魚形狀的物體，另上一青椒装着醬汁用來醮吃，整個菜靠哂呢個汁調味。
呢一餐俾我一個驚喜，因為每個菜都好特別，仲有就係食唔出佢係用乜嘢材料炮製，因為去其他素菜館一食就知到佢用上乜嘢材料，呢次真係有牌估，有牌研究。仲有呢間菜館我唔係第一次嚟，佢嘅午晚自助餐都食過，午市自助餐最差，正如之前網友所言，不吃也罷。晚飯小菜及自助餐都係普通過普通，所以我都好少嚟幫趁。最後講吓佢嘅點心，都係勁差，因為我臨走時外賣俾家人食，當時款式好少，祇好要咗最普通嘅燒賣、春卷、咸水角、芝蔴卷、菠菜餃、同埋椰絲豆沙卷。據講個燒賣、咸水角同春卷都係用上同一隻餡料，真冇趣，芝蔴卷太甜，豆沙卷軟得嚟帶硬，真失敗，唯一比較好Ｄ嘅就係菠菜餃啦。
張貼