Yamm

營業中

休息中

為慶祝姐姐生日所以提早去美麗華酒店嘅Yamm食自助餐(正日係星期日比較貴)去到循例當然要行下睇睇有咩好食啦！首先冷盤海鮮有龍蝦,海蝦,長腳蟹,青口,翡翠螺呢啲大路嘢!之後睇睇刺身壽司啦!刺身中比較少見嘅有劍魚同牛肉壽司，仲有特別推介三文魚籽小圓餅。到紅肉比到我有驚喜有烤所乳豬，可能主題係牛肉所以有個幾有特色嘅牛肉多士(下次未必有)之後睇下鐵板燒主打係海鮮，魚蝦蟹樣樣齊亦可選擇蒸(我比較鍾意蒸，不過蒸要同師傅落單)生蠔新鮮但今次好食嘅嘢有好多所以只係食咗幾次，而我心愛嘅鵝肝行咗幾次先見到，鵝肝唔係好似平時咁配多士而係蘋果，比較美觀又無咁油膩，不過凍肉色澤好似差咗啲!煙三文魚食咗少少就無食(不過姐姐話無問題)甜品推介有自制班蘭窩夫和抹茶白朱古力噴泉，呢餐飯滿意度有9.5分