影片
更多
2014-11-10
2709 瀏覽
嫲嫲生日，出去同佢食飯慶祝！特登訂早啲，等大家唔使太晚走！本來大家唸住食大閘蟹，去到見到呢個餐幾特別！而且有細路，拆蟹又麻煩！所以最後試新嘢！位置幾方便，好近地鐵站！不過樓底矮，比較焗促！門口有開放式廚房蒸蟹！坐低侍應即刻沖茶同比銀魚仔花生！落單之後，侍應會攞隻活生生嘅蟹出來，比大家影相，又證明新鮮劏！佢話大約三斤左右！又已經比埋鉸剪！好快食物陸續出場！金裝拼盤：有三款頭盤，炸豆腐、叉燒、燒肉，豆腐好滑，點白醋好味，燒肉比較硬，正常，叉燒蜜汁好味，又係肉質比較硬！上湯波士頓龍蝦伊麵：例牌份量，上湯汁唔會好咸，但大家第一時間係搶伊麵，因為索晒上湯，仲要有咬口，唔係淋晒，龍蝦肉好嫩，而且飽滿！最後清晒！椒鹽阿拉斯加蟹：好香口，本來怕辣嘅肥髀食都話好味，因為一啲都唔辣，似係炸蒜焗蟹，炸蒜好味但味道入唔到蟹肉內，所以唔撈炸蒜食的話，其實係焗蟹腳！真係想叫碗飯！蟹腳已經切段，方便食，蟹肉新鮮飽滿，好厚肉！唔會削！花雕雞油蒸阿拉斯加蟹：雞油花雕酒味幾重，肥髀話苦咬一啖就唔食，其實味道都可以，因為中間有殻包住，唔會好重味，但比椒鹽更入味（因為係汁液），又無搶走蟹味，啖啖肉，好滿足！瑪卡果燉水鴨湯：完
落單之後，侍應會攞隻活生生嘅蟹出來，比大家影相，又證明新鮮劏！佢話大約三斤左右！又已經比埋鉸剪！
好快食物陸續出場！
金裝拼盤：有三款頭盤，炸豆腐、叉燒、燒肉，豆腐好滑，點白醋好味，燒肉比較硬，正常，叉燒蜜汁好味，又係肉質比較硬！
上湯波士頓龍蝦伊麵：例牌份量，上湯汁唔會好咸，但大家第一時間係搶伊麵，因為索晒上湯，仲要有咬口，唔係淋晒，龍蝦肉好嫩，而且飽滿！最後清晒！
椒鹽阿拉斯加蟹：好香口，本來怕辣嘅肥髀食都話好味，因為一啲都唔辣，似係炸蒜焗蟹，炸蒜好味但味道入唔到蟹肉內，所以唔撈炸蒜食的話，其實係焗蟹腳！真係想叫碗飯！蟹腳已經切段，方便食，蟹肉新鮮飽滿，好厚肉！唔會削！
花雕雞油蒸阿拉斯加蟹：雞油花雕酒味幾重，肥髀話苦咬一啖就唔食，其實味道都可以，因為中間有殻包住，唔會好重味，但比椒鹽更入味（因為係汁液），又無搶走蟹味，啖啖肉，好滿足！
瑪卡果燉水鴨湯：完全唔知瑪卡果係乜，原來係一種天然保健食品，對身體內分泌，抗疲勞好好！味道其實飲唔出，係一碗好夠火喉嘅老火湯，而且難得清澈！好好飲！
清蒸方利：唔係好大條，蒸得剛好，魚肉好滑！
蝦乾金蒜日本大根：蘿蔔無渣，索晒蝦米湯，好清甜！
紅燒花錦鱔皇：好大一碌，魚肉好滑，尤其塊皮，好厚，好似啫喱咁！肉質淋身！索晒啲汁！
果盤：西瓜同橙，不過西瓜好爽甜，橙就好酸！
棉花糖白兔：係個侍應見肥髀話想食甜品，等主菜上晒，就比碟小白兔佢，一碟四隻，好彈好鬆軟，唔會好甜！好味！
壽包：係用個餐奶黃包加錢上去換嘅！好大個，蓮蓉好滑，蛋黃好多油！包好鬆軟！好味！
侍應服務勤快，換碟好勤（因為多殼）不過唔太清楚公司優惠，話說枱面放咗個牌關於信用卡優惠，又有生日優惠（食滿$1000有壽包仔及9折），問個男侍應佢話有！到埋單部長又話要早兩日訂位講定先有！問女店員個餐係唔係原隻阿拉斯加蟹（因為如果係例牌就唔抵）佢都要去問！不過每個侍應都好禮貌！
廁所好乾淨，值得讚！
張貼
