影片
更多
2022-03-27
273 瀏覽
(p.s.「質素不復以往」不代表唔好食，只是品質有點退步)「阿木台灣麵」呢個名大家都一定聽過，老闆娘Polly 十年前嫁到黎香港。佢阿嫲喺台北開魯肉飯店，父母開咗間牛肉麵店，為咗繼承家業，決定同丈夫一齊喺香港開餐廳。 店舖而家有廣華街同豉油街分店，識等嘅都會喺gulu㩒定飛。個人認為豉油街店好坐d，冇咁迫(雖然兩間分店嘅擺枱都非常密，梳化位行入去都好困難)。 近年佢又喺黑布街開咗雜貨店，專賣台式食品/急凍貨。我就試過佢嘅葱油撈麵同麻辣鴨血。葱油麵都算唔錯，鴨血聞落臭到開十個抽氣扇都抽唔到浸類似臭豆腐嘅味。 講返正題先，餐廳食物有紅燒/蕃茄/麻辣牛肉麵，台式便當套餐，拌麵，蛋餅，滷味等，其實都好齊架啦。平日午市套餐就平D。但要閙吓畫膠餐牌嗰支粉筆，糊得好緊要，黏手又容易斷心。 紅燒牛肉麵$65 價錢就唔洗我再多詳述，根本十個有八個人都覺得抵。台式牛肉麵湯底材料最主要用上牛骨/牛肉，薑，大葱，蒜，醬油，米酒，冰糖等，最緊要嘅係仲有八角桂皮等藥材。特別嘅材料仲有煉牛油，水果等。如果係紅燒湯底就會加辣豆辦醬，辣椒油等。如果係蕃茄湯就會加蕃茄會落多D糖。 湯底望落較為清透，聞落重藥材香，入口順喉
「阿木台灣麵」呢個名大家都一定聽過，老闆娘Polly 十年前嫁到黎香港。佢阿嫲喺台北開魯肉飯店，父母開咗間牛肉麵店，為咗繼承家業，決定同丈夫一齊喺香港開餐廳。
店舖而家有廣華街同豉油街分店，識等嘅都會喺gulu㩒定飛。個人認為豉油街店好坐d，冇咁迫(雖然兩間分店嘅擺枱都非常密，梳化位行入去都好困難)。
近年佢又喺黑布街開咗雜貨店，專賣台式食品/急凍貨。我就試過佢嘅葱油撈麵同麻辣鴨血。葱油麵都算唔錯，鴨血聞落臭到開十個抽氣扇都抽唔到浸類似臭豆腐嘅味。
講返正題先，餐廳食物有紅燒/蕃茄/麻辣牛肉麵，台式便當套餐，拌麵，蛋餅，滷味等，其實都好齊架啦。平日午市套餐就平D。但要閙吓畫膠餐牌嗰支粉筆，糊得好緊要，黏手又容易斷心。
紅燒牛肉麵$65
紅燒牛肉麵
$65
19 瀏覽
0 讚好
0 留言
價錢就唔洗我再多詳述，根本十個有八個人都覺得抵。台式牛肉麵湯底材料最主要用上牛骨/牛肉，薑，大葱，蒜，醬油，米酒，冰糖等，最緊要嘅係仲有八角桂皮等藥材。特別嘅材料仲有煉牛油，水果等。如果係紅燒湯底就會加辣豆辦醬，辣椒油等。如果係蕃茄湯就會加蕃茄會落多D糖。
湯底望落較為清透，聞落重藥材香，入口順喉，牛肉嘅濃厚，有微微嘅辛香，加上一些蔬果嘅甘味，整體都唔會太重口味。
牛腱肉有四大舊，佢腍嘅程度係差D連筷子都夾唔起。肉味香濃，但我就覺得過咗火，個人鐘意有D咬口同嚼勁嘅牛腱。牛筋則呈啫喱狀，充滿「骨膠原」嘅口感。
麵條粗幼度適中，唔會食唔飽。同牛腱肉一樣冇任何嚼頭，過熟而且太軟。附上冇必要有咁多嘅咸菜同葱花，我就對呢碗麵有D失望。
芝士肉鬆蛋餅$42
芝士肉鬆蛋餅
$42
3 瀏覽
0 讚好
0 留言
我朋友想食所以先叫，因為我上次食覺得冇特別。蛋餅饀料厚實，但一夾起D肉鬆就全部飛走哂，可能太多肉鬆都未必係好事。
蛋餅皮係煙韌嗰隻，並非脆身嗰款，口感光滑q軟。蛋漿全面覆蓋餅皮，唔會太乾，配上葱花。芝士有少許拉絲，主要集中响中間嗰幾塊，一般。
鹽酥肉便當$54
鹽酥肉便當
$54
47 瀏覽
0 讚好
0 留言
上次記得呢個堅正，今次就再叫。話說老闆細個唔鐘意食雞，於是佢阿嫲就用咗豬肉代替雞，而豬肉竟然係豬頸肉，老闆果然好識食。
餐廳將豬肉切條，炸後變成呢個扭曲形狀。炸衣好似有D濕咗而且炸得未夠耐，枱邊有孜然粉俾你自行調味，炸皮本身乜味都冇。豬肉內裏汁水湧流而出，肥美爽彈，咁豬頸肉點煮都唔會錯得去邊嘅。
滷肉飯
10 瀏覽
1 讚好
0 留言
肉燥飯肉粒有大有細，但唔知點解有條鴨舌，唔通係加料？！調味剛好唔會太重醬油味，最主要嘅八角/滷包嘅香氣都有。
配菜三格中有我最鐘意嘅係酸齌，估唔到會喺呢度見到，甜酸軟綿，酸菜則冰凍爽口，滷蛋見到蛋白已變得啡色，證明滷得入味，偏向甜蜜帶滷水氣色。但整體黎講，個人認為真係退步咗。
張貼
