南대門

營業中

休息中

天氣冷冰冰又係食韓燒嘅時候。今次嚟到尖沙咀金巴利道韓國街呢間南大門cuisine。而家做緊個優惠燒肉套餐，$318有一份燒牛肉加一份主食同2杯飲品。我地叫咗set再加份炸雞。order完食物，侍應就遞上多款韓式前菜。燒肉套餐牛肉方面，我哋選了牛小排，已去骨，啖啖肉，色澤鮮紅，幾有牛味。有3款醬汁蘸，用生菜包住吃，好爽口。主食我哋選了韓式拌飯，八款配料有大豆芽菜，翠玉瓜絲，紅蘿蔔絲，菠菜，白蘿蔔絲，牛肉，煎蛋同埋紫菜，再按自己喜好加入韓式辣醬，將所有材料拌勻，每啖飯都充滿口感，熱辣辣又惹味。蜜糖牛油蒜蓉炸雞（六件） $130 我哋叫咗半份炸雞，炸雞有齊雞髀雞翼雞胸，每件都炸得非常香脆，入面嘅雞肉好嫩滑，個蜜糖牛油蒜蓉汁真係好惹味，甜甜的，炸雞仲配埋炸薯條，非常邪惡，但真係好好味。個燒肉套餐包咗兩杯飲品，我哋兩個都揀咗韓國梨汁，個梨汁入邊有啲果蓉，非常清甜，食韓燒配梨汁就最啱啦，好清潤。