影片
更多
2017-03-18
833 瀏覽
上個月尾同男朋友去到附近剪頭髮，由於髮型師忙緊，所以我地向Vcity方向行下，本來打算食Godiva嘅雪糕，好似話有買一送一last day，點知店員話全線冇哂雪糕癮起，唯有落樓下天仁茗茶食番杯雪糕止止渴。平時我就食開鐵觀音口味，覺得茶味好香，又唔貴，幾好食。不過店員突然問我要乜口味，我睇睇先見到，原來阿薩姆奶茶味又供應番 (因為平時唔見有)阿薩姆奶茶霜淇淋 $23上次讚過店員唧得靚，今次呢杯馬上走哂樣…明明就係轉幾層，唔知點解唧到成pat野咁，同埋一接上手已經溶溶地…加上本身係霜淇淋，溶嘅速度本來就比正常雪糕再快點。奶茶味都幾濃郁，但比起鐵觀音口味，茶味弱一點，奶味較重，食落會覺得甜甜地。霜淇淋質地唔似雪糕咁細緻幼滑，冰感重，沙沙地。雪糕筒依然係好脆，廿三蚊，大大枝，中間唔會空心，喺我心目中都係唔錯嘅雪糕！但個人而言，就比較喜歡鐵觀音口味，清新茶香更得我心。…下次可唔可以唧靚少少先？
雪糕癮起，唯有落樓下天仁茗茶食番杯雪糕止止渴。
平時我就食開鐵觀音口味，覺得茶味好香，又唔貴，幾好食。
不過店員突然問我要乜口味，我睇睇先見到，原來阿薩姆奶茶味又供應番 (因為平時唔見有)
阿薩姆奶茶霜淇淋 $23上次讚過店員唧得靚，今次呢杯馬上走哂樣…
明明就係轉幾層，唔知點解唧到成pat野咁，同埋一接上手已經溶溶地…加上本身係霜淇淋，溶嘅速度本來就比正常雪糕再快點。
奶茶味都幾濃郁，但比起鐵觀音口味，茶味弱一點，奶味較重，食落會覺得甜甜地。霜淇淋質地唔似雪糕咁細緻幼滑，冰感重，沙沙地。
雪糕筒依然係好脆，廿三蚊，大大枝，中間唔會空心，喺我心目中都係唔錯嘅雪糕！
但個人而言，就比較喜歡鐵觀音口味，清新茶香更得我心。
…
下次可唔可以唧靚少少先？
張貼
