影片
更多
2009-09-22
5 瀏覽
家住中環多年, 因為中環有好多出名的清湯腩店舖, 所以細細個已經好鍾意食腩上星期睇阿蘇介紹大利, 其實十幾年前細細個時已經試過, 個時食過一千零一次, 記憶係佢碗粉入面有埋一粒粒八角好重口味好難食, 所以自此BLACKLIST左佢.個晚阿蘇形容到佢天上有地下無咁, 心諗可能已經改左整法可能有新口味喎,去到嚇死我, 居然要排隊, 都算啦.等左幾個字入座, 等佢碗腩河都要成10分鐘, 個晚阿蘇明明話佢啲腩唔係剩係得肉, 係肉連根連肥肉, 出面其他店個啲就全部都係肉, 呢度啲先係極品, 但我面前個碗正正就係100%全肉, 真係有冇掛羊頭得咁緊要呀??咁都要食架, 照哽啦咁, 一咬落口真係俾佢激死, 人地清湯腩係淋, 易入口, 冇渣家MA, 佢個啲腩係硬同有渣架, 個種口感同我食開嘅清湯腩真係差好遠好遠.個粉亦係我食過都幾低水準嘅粉, 同個腩一樣都係硬嘅最後不能不提佢個湯, 咩唔飲係你損失, 我覺得飲左先係我損失囉, 一啲都唔好飲, 得個清字, 牛味欠奉, 咁嘅質素好心唔好攞出嚟獻醜總結, 牛腩 , 粉, 同湯佢都唔合格, 中環九記係10分的話, 佢真係只值3分, 仲要賣$26蚊一碗, 真係
上星期睇阿蘇介紹大利, 其實十幾年前細細個時已經試過, 個時食過一千零一次, 記憶係佢碗粉入面有埋一粒粒八角好重口味好難食, 所以自此BLACKLIST左佢.
個晚阿蘇形容到佢天上有地下無咁, 心諗可能已經改左整法可能有新口味喎,
去到嚇死我, 居然要排隊, 都算啦.
等左幾個字入座, 等佢碗腩河都要成10分鐘, 個晚阿蘇明明話佢啲腩唔係剩係得肉, 係肉連根連肥肉, 出面其他店個啲就全部都係肉, 呢度啲先係極品, 但我面前個碗正正就係100%全肉, 真係有冇掛羊頭得咁緊要呀??
咁都要食架, 照哽啦咁, 一咬落口真係俾佢激死, 人地清湯腩係淋, 易入口, 冇渣家MA, 佢個啲腩係硬同有渣架, 個種口感同我食開嘅清湯腩真係差好遠好遠.
個粉亦係我食過都幾低水準嘅粉, 同個腩一樣都係硬嘅
最後不能不提佢個湯, 咩唔飲係你損失, 我覺得飲左先係我損失囉, 一啲都唔好飲, 得個清字, 牛味欠奉, 咁嘅質素好心唔好攞出嚟獻醜
總結, 牛腩 , 粉, 同湯佢都唔合格, 中環九記係10分的話, 佢真係只值3分, 仲要賣$26蚊一碗, 真係不值
後話:
跟手過埋阿蘇推仲對面馬路的小食, 叫左個臭豆腐, 佢係唔臭同淡的....
阿蘇妳冇好介紹就咪介紹啦, 大把人因為妳一句話山長水遠嚟食到一肚氣, 我真係怕你就嚟好似蔡瀾咁連和民呀都介紹, 不如下次妳去介紹推介麥當奴呀, 大家樂啦
張貼