Lockeroom Dining (譽發廣場) (已結業)

老豆係阿仙奴迷黎，今次佢生日就帶佢去佢愛隊嘅主題餐廳，比個驚喜佢。餐廳掛滿阿仙奴球星嘅Tshirt 仲有佢地嘅吉祥物，如果個日咁岩撞正有波睇氣氛一定好好。叫左兩個dinner set, 老豆唔鍾意甜品所以可惜冇叫到佢個心太軟，更餐仲會有六折😆dinner set 包一個沙律，餐湯同蒜蓉包唔想佢哋嘅擺設同碗碟，鍾意足球嘅一定鍾意。餐湯 - 羅宋湯炭烤美國牛肋排蜜糖燒肉汁 $188醬汁食落甜甜地幾特別， 份量都多，食到我好飽。薯蓉裡面竟然有有蒜蓉包嘅味道， 應該係落咗同一個蒜蓉醬。燒烤醬西班牙黑毛豬梅肉拼北海道元貝 $218我自己比較鍾意呢度菜，豬肉配搭埋燒烤醬一流。佢仲有黎甜荔枝做配菜，拎佢嘅豬肉甜香跟突出，亦有啲羽衣甘藍中和返個油膩，拎擺盆都靚啲，設計得唔錯。脆燒原隻德國鹹豬手 $178作為食肉獸，另外再叫多個豬手。 外皮炸得香脆， 每一個酸酸甜甜嘅醬汁幾開胃。炸洋蔥圈正常發揮，唔會話林晒keep住熱嘅。餐飲叫左凍啡，太飽所以冇叫佢地嘅特飲，有機會下次會叫。我覺得餐廳環境唔錯，如果佢加返部電視播返阿仙奴球隊嘅精選影片，我個人覺得個氣氛會更加好。