阿鴻小吃 (已搬遷) 新店位置

阿鴻炒飯不得了今日要過觀塘做野, 就早小小喺附近搵食, 周圍逛下, 竟然比我見到阿鴻小吃, 仲記得以前喺北角食過, 覺得好正😝😝 好可惜北角果間已經結業!呢度距離地鐵站都要行一段路, 雖然唔近, 不過我覺得係值得架, 確係好味~ 呢度環境四四正正, 乾乾淨淨, 仲放左好多奬項!! 我真心覺得阿鴻炒飯好好味, 櫻花蝦令成個炒飯嘅鮮味提升, 辣辣地, 好鬼惹味!! 另外金絲煎蠔餅都係必點, 我地order左迷你size, 蠔餅勁足料, 炸粉不多不少, 炸得剛剛好, 蠔亦好新鮮!! 墨魚片相對不太特別! 總括嚟講都好滿意, 我會encore!!