糖百府 (已結業)

16-8-2009朋友原本提議到人和食豆花, 但路經呢間人氣糖水鋪, 入面竟然有位, 結果俾我拉了入嚟食雪花冰. 擔心食唔晒, 2 人只叫了一份「朱古力秋香」($35) share, 等了勁耐兼要三催四請先有得食, 真係得來不易. 一眼睇晒 -- 朱古力雪花冰, 淋點朱古力汁, 灑點朱古力 flakes (a.k.a.「朱古力樹皮」), 左邊放隻蕉, 右邊放幾粒棉花糖, 咁就收 $35 @_@" 雪花冰好 soft 好幼細, 果然好似食緊「雪花」, 同「朱古力樹皮」一齊食的話, 朱古力味 ok. 食到底仲有好多條狀椰果, 同朱古力冰完全唔夾, 唯有唔食.30 幾度的星期日下午, 人氣店的「人氣」特別旺盛, 迫夾到同後面位背貼背, 都幾辛苦; 幾位女店員忙到抽筋, 態度亦差得嚇人, 寸到呢 不過我哋都算好彩, 唔似得隔嚟位一男一女, 明明只食綠色雪花冰, 明明俾店員倒瀉朱古力醬落佢哋個白色袋, 仲要俾店員老屈「係咪你哋自己滴到0架」丟低 $35, 絕不難食, 但各方面都令人沮喪, 喊面真係唔想慳. 後會無期!