Tutti Frutti (已結業)

尋日(3-8-2012 Fri)晏晝,同男友遊完中環同另一博物館後走o黎到旺角,呢日天氣翳焗冇乜風,我走入呢個商場乘涼,卻被男友發現呢間自助乳酪,為食o既佢又想試.我o地先睇睇有咩o野款式,都有幾多種口味同配料,咁試吓啦,呢o度價錢係$15.00/100克,我o地自己斟綠茶味乳酪,加o左棉花糖,朱古力碎片,可可粉,疑似竘蒻同紅豆,鎊完重就畀$42.00.好,坐低食喇,綠茶乳酪好冰凍,質地好軟,味道唔太甘苦,而配料呢?最差o既係棉花糖,質地比較實同煙韌,一啲都唔鬆軟,朱古力碎片夠脆,我重以為乳酪入面有冰粒.紅豆夠腍同甜,而疑似竘蒻就唔煙韌,好似舀o左好少.