牛一 (屯門市廣場1期) (已結業)

屯門市廣場嘅牛一有90分鐘火鍋放題， 平時佢可以遙距攞飛嘅，不過宵夜時段即九點半後就只係可以喺門口排隊，今日我哋九點鐘鬆啲嚟到，排隊等左半個鐘就有得入座喇！呢度經常都會有限定嘅火鍋湯底，最近就有韓式牛尾鍋，因為聽到韓式呢個字就即刻擔心會係好辣嘅，所以即刻問店員，好彩係一啲都唔辣嘅🤣🤣不過呢個湯底就冇咩特別喇！我哋揀咗價值$178嘅牛肉同豚肉，而呢度嘅火鍋配料都有好多選擇，例如龍蝦丸，牛丸，豆卜，芝士腸，腸仔，冬菇，木耳，年糕等等，仲有非常健康嘅羽衣甘藍。另外呢度有自助飲品，汽水茶類不在話下，仲有檸檬茶，菊花茶，椰子汁，酒類，都算多選擇！呢度仲有自助嘅乳酪雪糕，成日都有唔同嘅口味，今次就有原味乳酪，芒果乳酪，士多啤梨味雪糕，可惜因為太晏，芒果乳酪已經清左機喇！特別一提士多啤梨味雪糕真係好伏，好難食🤨🤨同埋乳酪配料去到最尾嘅時候已經得返好少。