影片
更多
2023-10-08
63 瀏覽
前幾日同好姊妹去咗中環一間意大利餐廳食飯，餐廳有格調，適合慶生聚會。呢到主打係海鮮，而家仲推出夏日黑松露餐單，黑松露愛好者一定要試。 𝗔𝗹𝗯𝗮 𝗦𝘂𝗺𝗺𝗲𝗿 𝗕𝗹𝗮𝗰𝗸 𝗧𝗿𝘂𝗳𝗳𝗹𝗲 𝗠𝗲𝗻𝘂 $1080 p.p坐低後店員即刻安排每人一杯Welcome Champagne，Champagne 偏甜易入口，係一款開胃嘅餐前酒。𝗔𝗺𝘂𝘀𝗲 𝗕𝗼𝘂𝗰𝗵𝗲。意大利黑醋配芝士。意大利水欖麵包、麵包條、蕃茄芝士薄脆。金箔黑松露魚子醬蒸蛋開胃菜分別有意大利黑醋配芝士、麵包同黑松露魚子醬蒸蛋。店員先為我地講解三款12年、25年同50年嘅陳釀意大利黑醋，滴喺匙羹，由左至右配芝士食。個人較鐘意 25年黑醋，酸度適中易入口。另外有三款麵包配搭自家製 Olio特級初榨橄欖油。橄欖油帶有獨有香氣，同鬆軟嘅麵包好夾。金箔黑松露魚子醬蒸蛋口感嫰滑，配搭原片黑松露同魚子醬食，味道鹹鮮味美。𝗔𝗽𝗽𝗲𝘁𝗶𝘇𝗲𝗿 Fassona Sirloin Beef Carpaccio & Alba Summer Black Truffle前菜係意式薄切西冷生牛肉片，店員即席刨上新鮮黑松露，差唔多鋪滿成碟生牛肉片。生牛肉片好軟嫩，
𝗔𝗹𝗯𝗮 𝗦𝘂𝗺𝗺𝗲𝗿 𝗕𝗹𝗮𝗰𝗸 𝗧𝗿𝘂𝗳𝗳𝗹𝗲 𝗠𝗲𝗻𝘂 $1080 p.p
坐低後店員即刻安排每人一杯Welcome Champagne，Champagne 偏甜易入口，係一款開胃嘅餐前酒。
𝗔𝗺𝘂𝘀𝗲 𝗕𝗼𝘂𝗰𝗵𝗲
。意大利黑醋配芝士
。意大利水欖麵包、麵包條、蕃茄芝士薄脆
。金箔黑松露魚子醬蒸蛋
開胃菜分別有意大利黑醋配芝士、麵包同黑松露魚子醬蒸蛋。店員先為我地講解三款12年、25年同50年嘅陳釀意大利黑醋，滴喺匙羹，由左至右配芝士食。個人較鐘意 25年黑醋，酸度適中易入口。
另外有三款麵包配搭自家製 Olio特級初榨橄欖油。橄欖油帶有獨有香氣，同鬆軟嘅麵包好夾。金箔黑松露魚子醬蒸蛋口感嫰滑，配搭原片黑松露同魚子醬食，味道鹹鮮味美。
𝗔𝗽𝗽𝗲𝘁𝗶𝘇𝗲𝗿
Fassona Sirloin Beef Carpaccio & Alba Summer Black Truffle
前菜係意式薄切西冷生牛肉片，店員即席刨上新鮮黑松露，差唔多鋪滿成碟生牛肉片。生牛肉片好軟嫩，加上橄欖油同芝士片令味道更香濃。
𝗣𝗮𝘀𝘁𝗮
Spaghetti 5 Cheese & Alba Summer Truffle
意粉可以三揀二，我同朋友就叫咗五重芝士意粉同海膽意粉。呢碟意粉用咗五款芝士，店員同樣會直接刨上新鮮黑松露片，每條意粉都掛滿芝士同黑松露，味道香濃不膩。
Spaghetti Japanese Uni & Alba Summer Black Truffle
海膽意大利粉相對冇芝士咁濃味，建議食咗海膽意大利粉先。海膽醬好creamy，意粉上面都有幾件海膽，撈埋意粉一齊食令海膽味道更突出。而黑松露味亦唔會搶咗海膽嘅鮮味，兩者互相平衡。٩(˃̶͈̀௰˂̶͈́)و
𝗠𝗮𝗶𝗻 𝗖𝗼𝘂𝗿𝘀𝗲
Organic Fassona Sirloin Steak 280g & Alba Summer Black Truffle
主菜叫咗紐西蘭特級西冷同慢煮皮埃蒙特有機豬腰肉，店員會連大鐵板一齊送上枱，之前即席刨新鮮黑松露片，之後再將四款調味放喺四個角落，調味分別有意大利陳醋、黑松露橄欖油、辣椒橄欖油同香草蒜蓉橄欖油。
西冷肉味香濃，肉質結實，四款調味最鍾意黑松露橄欖油，黑松露香氣撲鼻，令西冷味道更豐富。
Organic Piedmont Slow Cooked Pork Loin & Alba Summer Black Truffle
慢煮豬腰肉好嫩滑，加上鹹香嘅半溶芝士好夾。
𝗗𝗲𝘀𝘀𝗲𝗿𝘁
。Alba Summer Black Truffle Pannacotta
。Tiramisu
。Gelato Popsicle
。Pistachio Roll
。Vodka Lime Sorbet
。Chocolate
最後甜品有Dessert Platter，甜品會配搭一種用白松露調製而成嘅Tartufato酒。Black Truffle Pannacotta 同Tirimisu 口感軟滑。Lime Sorbet加咗Vodka，酸酸甜甜好解膩。
張貼
