School Food (已結業)

由於太鍾意食紫菜包飯，所以school food都列入左我心目中嘅常去餐廳系列。今次去竟然撞正佢地做緊優惠，紳士先生只需$18，原價要$68，但就要一定2位以上先可以享有。海怪水冷麵$72: 冷麵麵質同平時嘅水冷麵唔同。尼個似上海麵mix日本拉麵咁，不過都彈牙嘅。另外海怪應該係指八爪魚，但只有五"粒"，實在小得可憐。面頭個啲綠色物體唔知係咩黎。樣似係豆類又似係青椒，但食落就帶苦味又油，好奇怪。拉絲芝士豬肋骨$88: 一條骨大概切到5件，再加上薯角舖底。豬肋骨唔夠入味，不過肉質好淋，好容易就骨肉分離。鐵板唔夠熱，切完條骨啲芝士已經開始凝固返。