熱血一流 (已結業)

晚上看到呢間98蚊任食40分鐘放題,以為發掘到荀野,豈料中伏!門外睇到餐牌食物眾多就諗住入去試下,一坐低就研究佢個點餐app 睇下點落單, 點知原來計時倒數已不知不覺開始....點湯加下單還跟同隔離枱討論下單個app,至食物送來已用十分鐘正當我地正食得起興時突然有職員告訴還餘下十分鐘,我地已經呆左,因為我地仲未比人告知幾時開始就已經無乜時間,隔離枱聽都好驚訝咁快夠鐘,已經野都唔敢講係咁催佢地家人食快d,而我地只好囫圇吞棗咁啦啦聲食埋枱上既食物,連食物咩味道都感受唔到第一次食野感受到有如考試既緊張感,緊張刺激,熱血沸騰, 時間緊迫,枱上仲有少量食物未放得切落鍋, 碗中仲有幾粒丸, 只好每樣咬d , 希望盡力完成考試,幸運取得高分時間到了,職員在背後叫time's up, pens down, 呀唔係, chopsticks down, 感覺終於輕一口氣, 事情完結,啦啦出去比錢成件事發得太急太突然,我無辦法細心品賞到食物既味道,只知道肚子填飽了,心靈卻空虛了....