熊本牛鍋 (永勝商業中心)

營業中

休息中

見佢做優惠，$298任食澳洲M4-M5和牛，第二位可享半價，仲要無限時任飲任食位於舊式商廈，大廈環境不太理想，店內坐位比較窄。晚飯時段，假日前夕都只得一半客。首先上雞煲，味道普通，微辣，可無限refill。食完加湯蒸海鮮，最後先打邊爐。澳洲M4-M5和牛超薄，但牛肩胛反而肉味更濃。另有牛白肉，確實少見，是牛前胸的脂肪部分，屬稀有部位，只有大而肥的牛才能長出。自助區提供配料多達50款，丸類、蔬菜、麵食樣樣齊，連牛栢葉、豬紅、魷魚、墨魚滑都有。另有雪糕、飲品和甜品。自家制甜品味道不錯，有木糠布甸、燉蛋、啫喱、奶凍等。