金牌火鍋 (已搬遷) 新店位置

一行三人於大年初四打邊爐。訂枱時講明要限時兩個鐘。事旦啦，費事再諗去邊度。總共叫左:番茄暑仔牛肉粒湯底，細肥牛，娃娃菜，金菇，手打四寶丸，雜菇拼盤，脆鯇片，鮮腐竹，竹蔗水埋單共$760。食物全部上枱時都好乾淨，不過份量算細。肥牛都算軟滑同有牛味，唔錯。但湯底附設嘅牛肉粒就非常'鞋'同'un'。仲要係湯一滾就夾出黎食，唔係話煲到尾先食。d蔬菜同菇都算新鮮，上枱時都排得好整齊，唔會話好似亂草或垃圾咁樣。四寶丸就不過不失，無咩特別。侍應好主動加湯同收吉碟。服務不錯。只不過明明無人等緊位都正正兩個鐘就要我地埋單，扣左分。