影片
更多
2020-07-23
4032 瀏覽
非常幸運可以係限聚令開始前試到哩間餐廳每樣食物都非常精緻而且用料新鮮 烹調合宜友人果然揀得好😝.花木套餐有「梅」「竹」兩款「梅」套餐$1288（星期日至三有75折）「竹」套餐$1988（冇折扣）兩款套餐都係8道菜 最大分別係「竹」套餐有A5和牛同埋大拖羅而「梅」套餐嘅就係安格斯牛同埋中拖羅其他菜色都有少少唔同 不過兩個套餐各有特色 都好吸引㗎🙈今次我地試嘅就係「梅」套餐🤤.前菜有四款 由淡味到濃味磯煮鮑魚 入口軟滑 非常彈牙醬汁味唔會好濃 顯出鮑魚嘅鮮味 非常好味🙈芥末漬八爪魚 係我最鍾意嘅前菜八爪魚彈牙 芥末辛辣 味道非常刺激😝醬油漬吞拿魚 吞拿魚係魚乾嘅口感 醬油味濃郁不過比較濃味 同其它菜色交替食用會比較好醬油漬鮑魚肝細細個屋企人就教落 食鮑魚一定要去走內臟今次係第一次食鮑魚肝 估唔到真係食得😂鮑魚肝有好濃嘅海產味鐘唔鍾意就真係見仁見智🙈.沙律係 大蝦無花果羅文菜沙律大蝦非常彈牙 無花果乾香甜 蔬菜爽脆新鮮加埋我最鍾意嘅芝麻醬 真係食到停唔到口🙈.刺身有4款 大拖羅 赤貝 真鯛 北海道海膽杯大拖羅滿布油脂 入口即溶 完全係形容唔到嘅美味 唔洗講咁多 一定要食🙈赤貝爽口 鮮甜 真心
可以係限聚令開始前試到哩間餐廳
每樣食物都非常精緻
而且用料新鮮 烹調合宜
友人果然揀得好😝
.
花木套餐有「梅」「竹」兩款
「梅」套餐$1288（星期日至三有75折）
「竹」套餐$1988（冇折扣）
兩款套餐都係8道菜
最大分別係「竹」套餐有A5和牛同埋大拖羅
而「梅」套餐嘅就係安格斯牛同埋中拖羅
其他菜色都有少少唔同
不過兩個套餐各有特色 都好吸引㗎🙈
今次我地試嘅就係「梅」套餐🤤
.
前菜有四款 由淡味到濃味
磯煮鮑魚 入口軟滑 非常彈牙
醬汁味唔會好濃 顯出鮑魚嘅鮮味
非常好味🙈
芥末漬八爪魚 係我最鍾意嘅前菜
八爪魚彈牙 芥末辛辣 味道非常刺激😝
醬油漬吞拿魚
吞拿魚係魚乾嘅口感 醬油味濃郁
不過比較濃味 同其它菜色交替食用會比較好
醬油漬鮑魚肝
細細個屋企人就教落 食鮑魚一定要去走內臟
今次係第一次食鮑魚肝 估唔到真係食得😂
鮑魚肝有好濃嘅海產味
鐘唔鍾意就真係見仁見智🙈
.
沙律係 大蝦無花果羅文菜沙律
大蝦非常彈牙 無花果乾香甜 蔬菜爽脆新鮮
加埋我最鍾意嘅芝麻醬 真係食到停唔到口🙈
.
刺身有4款 大拖羅 赤貝 真鯛 北海道海膽杯大拖羅滿布油脂 入口即溶
完全係形容唔到嘅美味
唔洗講咁多 一定要食🙈
赤貝爽口 鮮甜
真心未食過咁爽甜嘅赤貝
真鯛被切成一朵花嘅形狀
不得不讚師傅刀功好好😆
魚肉細嫩 非常新鮮 好好味🤤
我最鍾意係哩個北海道海膽杯
個杯仔有好靚嘅兔仔花紋 富有日本特色🐰
海膽鮮甜甘香 三文魚子帶有鹹味
下層嘅帶子肉厚鮮嫩
底層嘅檸檬講帶子嘅鮮味發揮到極致
師傅擺盤真係好有心思！
.
醬油燒宮崎和牛（A5）和牛燒恰到好處 內層呈現粉嫩嘅顏色
油脂香濃 入口即溶
可以按自己嘅喜好配上醬油/檸檬汁/蒜片食用
唔食蒜嘅我最鍾意嘅食法係配醬油！
牛味濃郁 唔講以為自己去左日本🙈😂
.
竹海老天婦羅
另一款今晚最愛嘅菜色
我平日唔太鍾意食炸野 所以好少會食天婦羅
但哩度嘅天婦羅炸粉唔厚
炸粉啱啱好包住大蝦 入面完全冇空心
大蝦更加係彈牙到不得了 超級驚喜
旁邊嘅青椒天婦羅都好好食😝
.
鵝肝多士伴黑松露醬
黑松露沙律醬酸酸甜甜 松露味道濃郁
鵝肝油分豐富 而且非常嫩滑
不過略嫌有啲heavy🙈
.
主食部分可以選擇鯛魚湯手打烏冬/花木壽司
我地就揀左花木壽司
壽司係中拖羅 同埋 海膽
海膽鮮甜 紫菜非常脆
食完真係滿口幸福感
中拖羅比起大拖羅嘅油脂冇咁豐富
不過魚味比較濃郁 係另一種享受
兩款都好好食🙈
.
最後甜品係 芒果布甸 同埋 團子水信玄餅
甜品味道清甜 剛好可以中和返前面食物嘅油膩感
帶黎一種食得好健康嘅幻覺（唔洗減肥啦😂）
張貼
