牛霸王

營業中

休息中

觀塘工廈出咗名好多隱世食堂，一直都book mark住呢間牛霸王，今晚約咗朋友食夜晚。我哋叫咗手打和牛漢堡扒丼飯，呢個飯係每日限量，好好彩我去到嗰陣都仲有。和牛漢堡扒肉質鮮嫩，食落好Juicy，搭配秘製漢堡汁，真係好正。撈埋佢隻蘭王蛋真係勁滿足，配菜我就揀咗日式泡菜，少少辣，好爽口，我諗過同和牛漢堡咁夾。另外我哋嗌咗個豚肉壽喜燒，天氣凍食啲熱辣辣嘅嘢呀非常之好。豚肉壽喜燒的湯汁香甜，忍唔住真係飲多咗幾啖，豚肉嫩滑可口，啲配菜吸收了湯汁的味道，口感非常好，同埋都多配菜，有豆腐，蘿蔔，冬菇，芋絲，大蔥。日本小食我哋就嗌咗一口芝士，總共有七件，外脆內流心，佢加咗少少七味粉喺面，好惹味，兩個人食啱啱好。