太平洋咖啡 (中染大廈)

營業中

休息中

每年臨近農曆年，連鎖咖啡店都會推出限量版收納袋及利是封，出年是豬年，所以今期的收納袋和利是封當然就是以豬為主。就係為咗佢哋，所以中午專程來到咖啡店換購佢哋，順便飲杯咖啡，食個烤肉卷和火腿芝士牛角包。這間咖啡店分店位於中染大廈，論大小算是細了一點，但是修裝佈置都仍算舒服。今期推介岩鹽開心果Cappuccino，所以點了一杯，再配一個火腿芝士牛角包。杯岩鹽開心果Cappuccino味道有點怪，咖啡加咗鹽，搞到不倫不類，真係接受唔到。牛角包啲皮好鬆化，好重牛油味。芝士和火腿味道都正常。Normal 版啲 Cappuccino就好飲好多。烤肉卷味道很好，外皮鬆化。烤肉味道濃郁，而且有很香的香草和惹味的胡椒味。不過，食完都覺得幾 “漏”。