影片
更多
2025-03-01
0 瀏覽
呢間餐廳主打陝西菜，環境簡單又帶點中式既裝修。首先試咗佢哋嘅自家醬牛肉，一上枱就聞到陣陣醬香，牛肉切得薄薄一片，色澤紅潤，睇得出係用心醃製。食落口感好嫩，唔會太韌，醬汁味道濃郁但唔死鹹，帶點甜同微微嘅辣，配飯一流。牛肉本身嘅肉味仲保留得好，唔會俾調味蓋過，食咗幾件都唔覺得膩，份量都夠多。🥢之後試咗豆角燒茄子，呢道菜一上枱就見到色澤好靚，豆角同茄子炒得均勻，仲有少少乾辣椒同蒜蓉點綴。豆角爽脆，茄子軟腍，兩者混搭起黎口感好豐富。味道偏香辣，蒜蓉同辣椒炒出嘅鑊氣好正，雖然話係微辣，但連唔食得辣嘅朋友都接受到。醬汁收得好乾身，唔會油淋淋。🌶️再嚟係乳香雞翼biang biang麵，呢個組合真係有驚喜。雞翼炸得金黃，外皮脆卜卜，咬落去好香口，肉質嫩滑，唔會乾柴。配上biang biang麵，麵條闊得誇張，每條都好長，彈牙又有嚼勁，沾滿咗濃濃嘅醬汁，鹹香得黎帶點辣，食到停唔低口。雞翼同麵條一齊食，味道同口感好夾，份量仲要好足，食完真係有啲飽滯。🍗之後既香煎羊架，一上枱就聞到陣羊肉香，煎得外焦內嫩，表面有啲焦香，咬落去肉汁豐富。羊架切成小件，食起來方便，調味簡單但夠味，孜然同香料用得啱啱好，羊膻味唔重
之後試咗豆角燒茄子，呢道菜一上枱就見到色澤好靚，豆角同茄子炒得均勻，仲有少少乾辣椒同蒜蓉點綴。豆角爽脆，茄子軟腍，兩者混搭起黎口感好豐富。味道偏香辣，蒜蓉同辣椒炒出嘅鑊氣好正，雖然話係微辣，但連唔食得辣嘅朋友都接受到。醬汁收得好乾身，唔會油淋淋。🌶️
再嚟係乳香雞翼biang biang麵，呢個組合真係有驚喜。雞翼炸得金黃，外皮脆卜卜，咬落去好香口，肉質嫩滑，唔會乾柴。配上biang biang麵，麵條闊得誇張，每條都好長，彈牙又有嚼勁，沾滿咗濃濃嘅醬汁，鹹香得黎帶點辣，食到停唔低口。雞翼同麵條一齊食，味道同口感好夾，份量仲要好足，食完真係有啲飽滯。🍗
之後既香煎羊架，一上枱就聞到陣羊肉香，煎得外焦內嫩，表面有啲焦香，咬落去肉汁豐富。羊架切成小件，食起來方便，調味簡單但夠味，孜然同香料用得啱啱好，羊膻味唔重，連平時唔食羊嘅朋友都話唔錯。肉質軟熟。🐑
甜品試咗爆漿紅糖糍粑，外皮煎得香脆，咬開一刻紅糖漿流出嚟，熱辣辣又甜蜜。糍粑本身軟糯，紅糖味濃但唔會太甜，配上外層嘅脆口。份量唔算多，但做甜品剛剛好。🍮
湯品揀咗紫菜蛋花湯，簡單但好足料，紫菜同蛋花份量多，湯底清清地，帶點鹹香，飲落暖胃又唔油膩。🍲
張貼
