銀杏時光 (已結業)

知道這兒有得聽歌，提早訂定父親節既位，因餐廳位置有點吊腳，行到一身汗終於搵到了，我和表姐二人被安排坐在近門口位，未落單已放低咗一碟沙律菜，我說:我們未點餐噃，女侍應話，驚一陣唔記得，所以先上。另兩位家人也到達了，有位伯伯過來幫忙落單，因頭皮都仍在出汗，故此，我們要求先上凍飲，幫自己降降溫。之後..兩個西冷牛扒(一個五成，一個七成，肉質唔得，咬落有渣)上檯，我覺得奇怪，便問:未上湯噃??女侍應說:湯要自己出去嗶。行出去嗶湯，只得中湯(食西餐，飲中湯🤦‍♀️)，我們4個人，只有1個願意飲。再問女侍應，我們多了2位，是否應該多一碟沙律?(因為上第一碟沙律時，我們只有2位到場)女侍應話，幾多位都是一碟。個Menu寫明有自助沙律吧，您話疫情關係，要您們直接上比客都可以理解，但我們4個人，您只"配給"一碟沙律給我們，仲話幾多個人都係一碟???會否有點過份??算，唔想破壞慶祝的氣氛，忍!! 再上小食(洛神花醬雞中翼及酥炸雞球-小食Okay的)，坐落D汗都未止，原來冷氣出現問題了(壞冷氣冇人想的，我明白也體諒)，唯有再追杯凍飲上檯，之後再上烤雞扒(表姐話味道普通)，保雲酥海鱸魚(亞女話麻麻地，肉有點嚡)