影片
更多
2019-11-15
196 瀏覽
大一海鮮火鍋料理 (尖沙咀)尖沙咀金馬倫道38-40號金龍中心3樓-----上次同朋友仔黎呢間火鍋店吃完之後 一試難忘 覺得佢d海鮮同湯底好好正 無味精 食完亦唔口渴 前兩日同朋友又黎到尖沙咀買野 食飯時候發覺好幾間店鋪都無開到 而大一就有開 所以又揀左佢做我地嘅晚餐 由於前幾日先食完火鍋 所以我地今次淨係叫左少少火鍋料 主力試下佢地嘅烤物同小菜😆 食完之後發現佢小菜水平都好穩定 小炒做得好有鑊氣 而且份量頗多 烤物亦烹調得美味 主要係食材選得唔錯 所以簡易調味已經足夠好食 而個人最中意就係佢地嘅椒鹽類食物😍味道調得非常到位 由於個日我地叫左太多食物 難以一一細數 所以就揀選左幾樣 覺得正到不得了嘅選擇比大家參考下😎-🌽椒鹽粟米($69) 第一次食椒鹽粟米 本來係貪得意叫黎試下 點知食完覺得完全無諗過粟米同椒鹽味咁夾 甜而飽滿嘅粟米粒配搭埋帶鹹香且惹味嘅椒鹽 兩者簡直就好似牛郎同織女 天生一對 咬落又脆又多汁 正到完全食唔停口😌（而且餐廳仲好細心咁切到好細 方便客人食）-🐔椒鹽雞軟骨（$59）食完椒鹽粟米之後 由於太驚艷 我地又叫左另一款椒鹽食物黎試下 結果都係無令人失望 由於佢地椒鹽
尖沙咀金馬倫道38-40號金龍中心3樓
-----
上次同朋友仔黎呢間火鍋店吃完之後 一試難忘 覺得佢d海鮮同湯底好好正 無味精 食完亦唔口渴 前兩日同朋友又黎到尖沙咀買野 食飯時候發覺好幾間店鋪都無開到 而大一就有開 所以又揀左佢做我地嘅晚餐 由於前幾日先食完火鍋 所以我地今次淨係叫左少少火鍋料 主力試下佢地嘅烤物同小菜😆 食完之後發現佢小菜水平都好穩定 小炒做得好有鑊氣 而且份量頗多 烤物亦烹調得美味 主要係食材選得唔錯 所以簡易調味已經足夠好食 而個人最中意就係佢地嘅椒鹽類食物😍味道調得非常到位 由於個日我地叫左太多食物 難以一一細數 所以就揀選左幾樣 覺得正到不得了嘅選擇比大家參考下😎
-
🌽椒鹽粟米($69) 第一次食椒鹽粟米 本來係貪得意叫黎試下 點知食完覺得完全無諗過粟米同椒鹽味咁夾 甜而飽滿嘅粟米粒配搭埋帶鹹香且惹味嘅椒鹽 兩者簡直就好似牛郎同織女 天生一對 咬落又脆又多汁 正到完全食唔停口😌（而且餐廳仲好細心咁切到好細 方便客人食）
-
🐔椒鹽雞軟骨（$59）食完椒鹽粟米之後 由於太驚艷 我地又叫左另一款椒鹽食物黎試下 結果都係無令人失望 由於佢地椒鹽粉嘅味道調得好好 所以無論配咩食材都好惹味 加上新鮮即製 粒粒雞軟骨都熱辣辣 香噴噴 所以雖然份量都多 但係都被我同朋友仔迅速清曬😂
-
🌸花樣油條 （$38半份）上面滿布蟹籽 令香脆誘人嘅油條多左份鮮味 而蟹籽同油條之間仲有層薄薄魚肉 同樣係鮮味十足 放入湯底入面輕輕一烚就食得 非常出色😊
-
檸檬薏米水 ($39一渣) 同熱氣野簡直就係絕配 我中意呢度嘅薏米水唔會太甜 但就好濃郁 加埋淡淡檸檬味🍋飲落滋潤又清新 最重要係價錢唔貴 但係好大渣😎
-
茶芥收費：$22
-----
👶🏻B仔整體評價：8.6/10個👍🏻
👶🏻B仔抵食程度：8//10個👍🏻
👶🏻B仔環境評分：8.5/10個👍🏻
👶🏻B仔味道評分：9/10個👍🏻
👶🏻B仔回頭機會：9/10個👍🏻
-----
☺️快D跟住B仔一齊吞食香港啦！🤤
張貼
