影片
更多
2011-04-04
52 瀏覽
男朋友成日都話我既食評一張相都無, 好沉悶好難吸引人去睇~ 都係既, 不過我真係唔多喜歡影食物 但既然佢甘講, 我就盡量影多d放上黎la! 所以今次係我第一篇有相既食評! 大埔熟食中心大部分既食店我地都食過, 而呢間一直都想試但搵唔到個好機會, 因為我一路都想搵多幾個人一齊去食甘就可以試多幾款小菜, 兩個人食好難食到d咩最後…都係我地兩個人食 呢日黎到大埔, 實在諗唔到食咩好, 呢度大部分既餐廳都比我地食過哂, 我地響街市附近兜左一大輪都搵唔到有咩新野想食, 又唔想翻兜wor, 所以就決定食三小姐!七點多d黎到, 都好多人, 好彩都唔駛等就有位! 三小姐真係好旺, 佔幾個鋪位都一樣坐滿人! 好熱鬧! 因為睇過食評, 大部分人都讚呢度既籠仔糯米蒸膏蟹同蒜蝦陳村粉, 所以明知兩個人食會好飽, 我都一意孤行要叫呢兩個, 食唔哂就打包! 不過落單既呀姐聽到我地要兩個飯麵就嚇親la, 問我地食唔食得哂, 話兩個籠好大ga wor! 但我真係好想食呢兩個呢, 所以都係叫! 呀姐跟住又話宜家凡係叫有蝦或者有蟹既菜式都要加多$10! 甘我地即係要比多$20?! 感覺有d唔抵, 明明個菜式已經標左價
大埔熟食中心大部分既食店我地都食過, 而呢間一直都想試但搵唔到個好機會, 因為我一路都想搵多幾個人一齊去食甘就可以試多幾款小菜, 兩個人食好難食到d咩
最後…都係我地兩個人食 呢日黎到大埔, 實在諗唔到食咩好, 呢度大部分既餐廳都比我地食過哂, 我地響街市附近兜左一大輪都搵唔到有咩新野想食, 又唔想翻兜wor, 所以就決定食三小姐!
七點多d黎到, 都好多人, 好彩都唔駛等就有位! 三小姐真係好旺, 佔幾個鋪位都一樣坐滿人! 好熱鬧!
因為睇過食評, 大部分人都讚呢度既籠仔糯米蒸膏蟹同蒜蝦陳村粉, 所以明知兩個人食會好飽, 我都一意孤行要叫呢兩個, 食唔哂就打包! 不過落單既呀姐聽到我地要兩個飯麵就嚇親la, 問我地食唔食得哂, 話兩個籠好大ga wor! 但我真係好想食呢兩個呢, 所以都係叫! 呀姐跟住又話宜家凡係叫有蝦或者有蟹既菜式都要加多$10! 甘我地即係要比多$20?! 感覺有d唔抵, 明明個菜式已經標左價, $68 (蒸膏蟹)同 $48 (蒜蝦陳村粉), 但都仲可以 “海鮮價”, 甘都得.. 算了, 既然難得黎度食, $20就豪比你la!
我地坐既位置對住個廚房, 可以見到d師傅真係係甘炒做唔停手ga! 好快又一碟好快又一碟, d餸既賣相仲好鬼吸引! 見到好多人都點既係海皇雜菜煲, 望落去都真係好好味甘既樣
望下望下我地個兩籠都上枱la! 其實都唔算等好耐~ 呀姐無講錯, 兩籠都好大! 哈, 驟眼睇兩個個樣好似差唔多甘!
蒜蝦陳村粉賣相唔錯, 蝦既數量都唔少~ 蒜蓉落得勁重手, 鋪到成個籠都係! 陳村粉既味道其實同普通河粉無咩特別, 只係粗厚左十倍, 多d口感~但蒜蓉滲透左入d粉度,令本身無咩味既粉每一口都變得重口味! 而蒜蓉帶辣, 有少少嗆喉既感覺~ 蝦好淋身, 霉肉多,唔太新鮮, 甘樣比多$10真係唔係好抵
籠仔糯米蒸膏蟹同陳村粉一樣, 呢個糯米飯又係落左好多蒜蓉…其實我覺得唔需要落甘多, 因為本身蔥同埋蝦米已經好吊味, 再落甘多蒜蓉反而over左… 好彩糯米飯飯本身好食, 炒得乾身, 飯粒分明, 少d油會更好~ 我地發現左d飯裡面仲有d好細碎既肉粒, 但唔知係牛定豬la…. 至於膏蟹, 要讚既係真係好多膏, 呈金黃色, 不腥不鹹, 明知膽固醇多都唔理要食! 但蟹肉就唔太多了, 好辛苦甘咬碎d殼都係無咩野食到…而且無咩味, 淨係食到好大陣蒜蓉味
overall真係有d失望, 因為食材不太新鮮, 食唔到食物應該有既鮮味, 只係食到勁重口味既蒜蓉味, 真係食到嘴都 “where”… 鍾意食蒜蓉既朋友可能會好開心, 我呢d本身唔太抗拒既就覺得over左, 而好似我男朋友呢d唔多好既就會食到好辛苦…事實上, 我地食完之後都覺得喉嚨唔太舒服同埋個口勁大陣味! 飲左好多水, 食左eclipse, 再飲左支鴻福堂飲品都整唔走個陣味… 第二朝起身都覺得陣味仲響口腔同喉嚨到! 要再食多幾粒香口膠同喉糖, 再食埋lunch之後我先覺得陣味無左…可想而知佢有幾重口味!
張貼
