相馬日式火鍋 (已結業)

呢間火鍋店好特別，唔單只可以打邊爐仲有串燒炸物雞翼，仲要係即叫即整！真係大大加咗分💯今次係第二次食，雖然冇上次咁驚喜但都係讚口不絕❣️因為前幾日肚唔太舒服所以就叫咗清湯🫣而男朋友就叫咗甜豉油湯底，湯底好有日式feel~而食物方面要特別一提就係呢度竟然有任食嘅即叫即燒串燒，雞翼同炸物😳樣樣嘢都係好食仲要好多款！我同男朋友再黎食好大嘅原因就係呢個💜我地最鐘意嘅係炸物拼盤嘅蝦多士同芝士春卷，兩樣嘢都炸得好脆同埋饀料都好多。講埋火鍋嘅食物先，肉類我地一致認為係好食但未到好surprise個個程度，蔬菜係值得讃嘅因為真係有好多種！