伊賀日本燒肉料理 (已結業)

間唔中都有食燒肉，不過好耐冇食任食，今次嚟伊賀有啲小驚喜，因為佢嘅海鮮竟然都好正！個人幾鍾意佢做網燒燒肉，唔會油淋淋。呢度自助落單幾方便，肉類選擇都好多，多到要提自己click下一頁。每款叫啲，上到枱認唔返邊款打邊款不過薄切嘅肉都唔錯，快d燒熟易控制。一定認得嘅係豬頸肉，輕微醃過幾好食，仲有牛舌、雞泡魚乾、墨魚咀、蜆、蝦等等都好新鮮，不停reorder囉雖然有少少漏單，但一講返就好快上枱，服務態度都好好，呢樣喺任食餐廳幾難得。