影片
更多
2019-11-29
7216 瀏覽
呢間餐廳擺咗係“想去”嗰度好耐喇，終於喺今次補祝老公生日去到喇，我哋經官網比訂金預約有6折優惠。我哋6:25到達，喺餐廳門口已經好多人排隊，到30分開始入座，每一張枱安排需時一至兩分鐘，外面大排長龍。餐廳安排得唔好，應該早啲安排入座，通知食客30分先開始。先講餐廳編排都可以，唔會密麻麻，而食物方面就真係好麻麻，好多都係平價嘅食物，款式少味道又普通，魚都係用烏頭魚，侍應有禮貌，但有一點奇怪係餐廳竟然無供應濕紙巾，話無晒。三百左右係平，都係嗰句，可以有好多好嘅選擇。即開蘇格蘭生蠔，每人可以拎兩隻，全程都好多人排隊。我哋都係到八點十左右得兩三個人排隊先拎，到9:00停止供應，得一個人好努力默默咁開。生蠔新鮮，唔太鹹，都算飽滿。蟹腳同蝦都幾好，蟹腳唔太鹹，無咩多餘水份又多肉，而蝦都好新鮮。其餘都一般無咩味。刺身係自取款式唔多但係都幾新鮮，希靈魚同三文魚最好味。壽司真係唔得，蟹柳都係實嘅，飯又硬。煙三文魚無夠肥味淡咗啲，火腿Ok。炸蟹肉薯餅都幾好。安格斯牛太熟，肉質可以。另外有炒雜菌，薯仔，白酒青口。天婦羅嘅炸蝦有啲一粒粒嘅脆脆喺面，外層有啲硬，除咗青葵，就係三色椒天婦羅，我都係第一次見。焗蠔原
即開蘇格蘭生蠔，每人可以拎兩隻，全程都好多人排隊。我哋都係到八點十左右得兩三個人排隊先拎，到9:00停止供應，得一個人好努力默默咁開。生蠔新鮮，唔太鹹，都算飽滿。
蟹腳同蝦都幾好，蟹腳唔太鹹，無咩多餘水份又多肉，而蝦都好新鮮。
其餘都一般無咩味。
刺身係自取款式唔多但係都幾新鮮，希靈魚同三文魚最好味。
壽司真係唔得，蟹柳都係實嘅，飯又硬。
煙三文魚無夠肥味淡咗啲，火腿Ok。
炸蟹肉薯餅都幾好。
安格斯牛太熟，肉質可以。
另外有炒雜菌，薯仔，白酒青口。
天婦羅嘅炸蝦有啲一粒粒嘅脆脆喺面，外層有啲硬，除咗青葵，就係三色椒天婦羅，我都係第一次見。
焗蠔原本放喺熱暈盤自取，一陣就無晒，之後好似refill咗一次，到最後由廚部職員分配，我拎到最後三隻，味道都可以。
西班牙海鮮炒飯麻麻，另外係一盤有幾粒蜆嘅蒜香意粉，蒜味無，又無汁又淡又乾。
鵝肝醬多士塊包好硬。
蕃茄忌廉湯，茄味重忌廉味好少。
節瓜鹹蛋湯，無鹹蛋味，完全唔似湯。
甜品嘅意大利芝士蛋糕，蒲撻同埋焦糖燉蛋最好味，切件蛋糕都唔錯。杯裝嘅慕斯太多魚膠，好實。
麵檔可自選配料同粉麵。
蘋果汁，雜果賓治，咖啡，茶包茶。
自助Haagen-Dazs雪糕有6種味。
張貼
