南國紅豆餅 (已結業)

今日突然之間好想食台灣紅豆餅，咁啱有去港島區搵到而家喺太安樓附近嘅店舖，決定特登揸車去順便試一試，本身想全部都叫晒。但可能只有一個工作人員，佢話嗌四個要等15分鐘，再嗌多啲可能就再耐啲啦。咁所以我就揀咗三個味道；分別係芋泥肉鬆$15、2個，珍珠吉士$12x1 ,同芋泥$12x1 ,等咗15分鐘一上車即刻試吓仲係暖嘅，好慶幸佢係咁啱即叫即做，一咬落去外層好似食緊雞蛋仔加蛋糕嘅感覺，外面脆脆地入邊就係啲餡唔會話太甜，重點一提我本身唔係好鍾意食吉士，但因為佢係珍珠吉士所以都決定試一試，出乎意外，一啲都唔膩珍珠仲係好QQ，芋泥都唔錯但肉鬆可能味道唔係太好所以拉低左芋泥味嘅味道。整體來講如果能夠再做到飽滿厚d,咁就真係10分高質！