幸福堂 (已結業)

呢間幸福堂又係位於銅鑼灣渣甸街，同埋老虎堂，幸福週末，ChaTraMue都係喺呢條街，非常之熱鬧真嘅幸福堂而家終於喺呢度開咗啦~梗係要試一試佢啦~我個人鍾意幸福堂嘅原因係因為佢比較多黑糖珍珠鮮奶以外嘅選擇~所以我同友人一齊 佢想飲珍奶但我又唔想飲，但係幸福堂就可以滿足晒我哋兩個人嘅選擇❤️首先我自己就揀咗呢個新飲品青檸蜂蜜嚟飲啦！店員同我講話一定要攪勻左先好飲，飲落食到一啲蜂膠，證明佢真係用咗蜂巢蜜去整架～所以有種獨特嘅蜜糖香味🐝而茶底就係用茉莉茶，加埋啲青檸感覺好清新，啱晒我🌟中和返蜜糖嘅甜味！第二杯梗係叫返幸福堂嘅招牌！佢嘅黑糖真係做得好出色，所以先可以令到杯邊全部都沾滿額糖漿💕而且飲得出佢個奶底係好獨特，同其他鋪頭好唔同，令我特別鍾情於呢一間嘅珍奶。面頭佢仲會用火槍燒一燒㗎🔥所以先叫做焰遇幸福😋好俾心機㗎呢門面當然唔少得有佢招牌嘅即炒黑糖珍珠啦，望落去都好吸引