616牛肉火鍋專門店 (白楊街) (已結業)

平時同男朋友都係食開頹嘢，見除夕未夠鐘倒數，就去咗616食餐好啲嘅！本身食過616都知呢到嘅牛好好食，款式又夠多，唯一缺點就係一碟牛份量唔多。但係今次嚟食有優惠，叫三碟牛送一碟，即刻覺得抵咗！一如既往，牛肉好有牛味，而且無乜筋，跟住墊底嗰張紙上面寫嘅時間去淥就實無死錯。蝦滑墨魚滑好好食，夠彈牙。而永遠眼闊肚窄嘅男朋友叫埋餃子食，仲要擺落麻辣嗰邊鍋，真係食到我往生⋯水準可以保持住真係算係咁，另外醬料仲有得加柚子醋，勁愛酸甜嘅我爆落😹