影片
更多
2013-01-02
633 瀏覽
每年平安夜或除夕夜都會挑選一天慶祝, 慶祝一切平安, 明天會更好! 今年都係由我負責, 希望大家可以試試非一般的日本料理. 所謂非一般, 只係唔想食來食去都放題, 燒肉, 要幫襯就幫襯偏向日本風味一點, 正宗一點的"お任せ".而所謂的お任せ, 就是整個晚餐都由廚師操刀, 把最好最上等的食材供客人享用而不需要先行點菜. 因為家人都沒有此經驗, 坐低就有飯食!選擇此店是在附近工作時都經常食午餐, 價錢適中, 員工都好友善. 老闆是日本人, 打電話訂枱好多時由佢接聽電話. 遇到一d唔識講日文的, 會pass俾香港員工. 其次是覺得此店真的憑良心做事. 話說兩個多月已經打電話問buffet價錢. 要知道聖誕節價錢已經是天價, 還要求客人先付deposit留位, 相當誇張! 我個人認為留deposit已經不太合理, 所以提議吃日本菜. 日本菜頭號食店是I SQUARE的匠x兵衛, 貪佢個view靚, 食過都唔錯, 都預左聖誕新年價錢會貴d.居然包房計$4800以上, 坐出面都要$3000仲要先付deposit 這間店即時bad list!講番此店, 即來個梅酒飲住先~ 牌子起出面未見過, 但應該
而所謂的お任せ, 就是整個晚餐都由廚師操刀, 把最好最上等的食材供客人享用而不需要先行點菜. 因為家人都沒有此經驗, 坐低就有飯食!
選擇此店是在附近工作時都經常食午餐, 價錢適中, 員工都好友善. 老闆是日本人, 打電話訂枱好多時由佢接聽電話. 遇到一d唔識講日文的, 會pass俾香港員工. 其次是覺得此店真的憑良心做事.
話說兩個多月已經打電話問buffet價錢. 要知道聖誕節價錢已經是天價, 還要求客人先付deposit留位, 相當誇張! 我個人認為留deposit已經不太合理, 所以提議吃日本菜.
日本菜頭號食店是I SQUARE的匠x兵衛, 貪佢個view靚, 食過都唔錯, 都預左聖誕新年價錢會貴d.
居然包房計$4800以上, 坐出面都要$3000仲要先付deposit 這間店即時bad list!
講番此店, 即來個梅酒飲住先~
牌子起出面未見過, 但應該唔難搵. 一瓶大概裝到10杯. 梅味較濃, 易入口, 不過酒精都唔弱, 好快大家都面紅紅.
前菜花螺, 好重螺味, 但不是酒煮花螺..
枝豆, 溫溫的, 好快清晒.
醃菜, 我一般般, 但都好快清晒~ 整體不俗, 賣相都別緻
刺身拼盤要求有海膽, 份量不少海膽沒有暗色, 新鮮! 此店最出名是魚料理, 所以刺身中的池魚, 劍魚等都超新鮮. 池魚最受歡迎, 看少一眼已經沽清
おでん關東煮關東煮煮法我認為不難, 但要起香港吃到好味關東煮就好難. 今次做得唔錯, 主要食材竹輪, 雞蛋, 八爪魚. 蘿白甜, 好淋冇渣.
魚料理 & 蛋卷三文魚頭大家都讚口不絕, 連我唔食魚頭都試了一件. 不用配蘿白醬汁都夠味. 另一款魚都係鮮味, 不用沾醬, 但好多骨.
至於蛋卷裡面包了紫蘇葉(應該係). 我沒有吃, 留了給不停話好吃既各位分0左佢~
コロッケ薯餅都係我要求加的一道菜.
薯餅有兩款. 第一款應該是北海道炸薯餅, 是圓身而不是扁身. 一件分3份, 薯仔蓉好滑, 重薯仔味. 薯仔應該冇加牛油, 需要沾醬吃.
另一款係咖哩牛肉蓮藕薯餅. 呢個要極力推介. 坐對面的咬第一口, 咖哩味出晒來. 蓮藕爽爽的, 出奇地同薯仔, 牛肉夾! 每人一件實在太少~~
以上菜色每位$301, 而我心目中是每人$400, 所以食完都唔夠飽..
卷物 (追加)此店主張食材不重覆, 所以提議用另類食材做卷物, 代替壽司.
卷物有4個味道, 每人一排不同口味.
我吃了魚子紫蘇葉, 口感同味道都幾特別, 未食過.
其他仲有醃蘿白皮配青瓜, 仲有兩個都未曾食過既口味. 最後清晒~
わらびもち (蕨餅) 由蕨根取出的澱粉質製成, 沾上黃豆粉食用. 味道淡, 不會過甜. 口感都冇超市賣咁硬. 推介食品之一.
附送雪糕, 有豆腐味同芝麻味. 都不錯!
張貼
