Greyhound Café (時代廣場)

營業中

休息中

今日除夕夜，女朋友早收工於是約咗喺銅鑼灣時代廣場事晚飯，係禁堂食之前，食埋個晚餐，然後喺銅鑼灣倒數。呢間泰國餐廳就以前都有幫襯開，算係比較有質素嘅泰國餐廳，價錢都唔算好貴，我哋兩個人點樣三樣餸加一杯嘢飲，一個菠蘿炒飯、一個墨魚意粉以及一個炸雞，同埋一杯珍珠奶茶。三個餸都好好食，首先炒飯好香好熱，配合肉鬆以及腰果特別好味開胃，而且食得好滿足。另外墨魚意粉佢冇意粉汁，所以唔會食到成口都係黑色，佢嘅賣點就係個汁好香，有少少酒味，🦐亦都好大隻好有肉汁口感。至於炸雞就有少少失望，因為我哋原本係見到有蛋黃醬先點呢個炸雞，但係上菜時只係俾咗我哋泰式辣醬以及鹽，所以有少少失望。職員亦都同我哋講蛋黃醬已經賣晒，呢個有少少失望點解唔係我哋落單之前提醒我哋冇咗，咁我哋可以考慮吓是否點呢個菜。整體來講呢間餐廳嘅食物質素好高，味道亦都唔錯環境舒適，價錢亦都唔算好貴，值得一試嘅餐廳。