Blue Brick Bistro (已結業)

12月係全年最開心嘅日子，周圍都減價，又有party去!! 除夕就梗係要食餐好啦!! 去灣仔利東街Blue Brick Bistro，真係好有驚喜!頭盤北海道帶子薄片配三色魚籽及青檸輕泡沫呢個北海道帶子，雖然切到好薄，但你都食出佢好新鮮，不愧係刺身級別呀!! 配埋少少豉油，釣番啲鮮味出嚟，非常鮮甜。最特別係有三款魚籽，有三文魚籽，仿魚子同魚子醬，撈埋帶子一齊食，一啲都唔寡，再配埋青檸泡沫，真係好清新。香煎法國鵝肝及鵝肝慕絲OMG，係鵝肝呀!! 煎得啱啱好，呢個鵝肝入口一啲都唔羶，仲好香，配埋嗰鵝肝慕絲仲正!!餐湯 龍蝦濃湯嘩! 呢個龍蝦湯真係好濃，好creamy，飲得出佢用咗好多龍蝦去煲!! 仲有兩粒龍蝦肉添，正!! 傳統法國煮法炮製而成 – 以波士頓龍蝦頭及蝦殼熬製超過 8 小時 – 加入白蘭地去除龍蝦的腥味及帶出龍蝦的鮮味!慢煮伊比利亞火腿及雞肉清湯好明顯呢個湯係行清新路線啦，不過唔好睇佢咁清，就以為無咩味! 嘩，啲雞味好香好濃，不愧係煲咗24小時。加埋隔離脆卜卜嘅火腿，浸大概2分鐘，就okay!主菜 日本和牛(A4)配芹菜蓉及自家製炸薯我M佬極力推介呢個A4級和牛，真係好正，食到